مين تتحداني واتحداها على التغيير ؟؟؟

السلام عليكم ورحمة الله وبركاته

انا وحدة للاسف امل من شغل البيت ونفسي اكون زوجة وام ناجحة وشاطرة فـ بيتي
ودي اتغير بس للاسف لوحدي اطفش وامل ومالاقي شي يحمسني يعني ارتب واكنس واطبخ واسوي شغلي بدون نفس المهم مرتب وخلاص واحيانا تحوس الدنيا لدرجة اني اتخيل البيت شوية ويزعل ويقوم ياخذ شنطه ويمشي ويخليني انا وعيالي وسط حوستنا ..



هيييييييييييييييييييييييييييييييييييييييييه :44: فحة من قلب .. الا متى نتسنع ونصبح مثل (قرة عين) ماشاء الله لا قوة الا بالله وصويحباتها .. وتقر اعين ازواجنا بنا .. ونقر عيناً بأنفسنا المطيعة النظيفة الشغيلة ( متعقدة من نفسي :44: ماني قادرة اشد عليها )


الخلاصة يا حبوبات ابغى وحدة حبوبة بنت حلال همها زي همي ونفسها عنيدة وكسولة ومسوفجية من الدرجة الاولى زي نفسي كل شي سوف سوف ويجي اليوم والموعد ويعدي عليه ايام ولسه : سوف سوف ... وتمر السنين ولا تزال كلمة سوف ...... :mad:
المهم ..
وتكون عندها رغبة تتغير بس ودها باحد ياخذ بيدها ويشد عليها (زيي بالضبط:44:) ..

نتعاون انا وهيا .. عبر الرسائل الخاصة .. او الماسنجر .. نحط استراتيجية للتغيير عبارة عن شيئين فقط نركز عليهم لمدة اسبوعين كل وحدة تركز عالشي اللي يناسبها :

مثلاُ : بالنسبة لي : ابغى اركز على اداء الصلاة مع النوافل والاذكار في وقتها بدون تأخير
وتنظيف البيت يوميا ..

والاسابيع اللي بعد كذا نضيف عليها لغاية ما نوصل ان شاء الله للحياة المرتبة الهنية اللي ننشدهاا ..


بس قبل هذا كله فرصة لتنظيف البيت بالكامل في اسبوع كل يوم غرفة وكل وحدة تحط واجبات
مثلا نبدأ يوم السبت انا احط واجب ليوم السبت مثلا : تنظيف الصالة .. نلتزم فيه انا وهيا واخر اليوم كل وحدة تقول للثانية اش سوت وكيف نظفت بالتفصيل ( برسالة طبعا)

الاحد هي تحط الواجب وانا وهي نلتزم فيه ونهاية اليوم نتراسل بالتقارير المنزلية ..

الاثنين انا
الثلثوث هيا
وهكذا لغاية ما نخلص البيت ..

بعدين نبدأ استرتيجية التغيير ...


هاه .. فيه احد يبغى يا اخوات والا اروح :angry:؟



( ممكن نعمل قروب بس يكون صغير )