مين تتصدق علي وتعلمني كيف اسوي البخور والمبثوث

شوفي يا قمر فيه دوره يعلمونك فيها

كيف تعملين العطور والمعمول والمخلطات ومجانا بعد والموصلات مجانا

ايضا هذا سلمك الله في المؤسسه السعوديه للتدريب والتعليم

والله ما شاء الله ريحة المعمول تفوح من عندهم وهم يصلحونها

ومدة الدوره اسبوعين بس ..

وهذا رقمهم استفسري منهم عن كل شئ 2921310

هاه وش راأيك استاهل دعوة ..

ادعي يا قلبي ان الله يحقق كل اللي في بالي بصحه وعافيه.

ولك ولجميع المسلمين بالمثل.

اقول والله انك ماتستاهلين دعوه


























































تستاهلين دعوات مو دعوه وحده روحي ياشيخه الله يفرج همك مثل مافرجتي همي روحي جعل الله يكتبلك بكل خطوه بركه ورزق ومغفره ويجعلك معافيه وبصحه دائمه وسعة البال والحال ويفرج عنك كل هم ويفك ضيقك ويستر عليك دنيا واخره وينولك كل اللي في بالك ويرحم والديك ويهديك ويصلحك ويحسن خاتمتك ويسكنك الفردوس الاعلى انتي وذريتك واهلك وزوجك وكل من تحبين آمين آمين آمين

بس انتي جربتيها وكيف الدوره وينفع اقدم الحين عليها ولوقدمت يقبلوني والا لا ؟وهي في الرياض؟

مشكورة يا قلبي على دعواتك اللي احس انها طالعه من قلبك

ولك بالمثل ...اللهم آمين.

شوفي ياحلوة انا ما كنت ادري عن هذي الدوره كنت مسجله في دوره

ثانيه مقامه في هذا المركز ولمن شفتهم بادين في الدوره هذي حبيت اغير لاني

مثلك احب العطور والذي منه .. قالوا لي لا..قلت: خيره ..بس البنات والامهات وفيها

ايضا حريم كبار يمدحونها ...وكل اللي في المركز يشمون الروائح العطريه

اللي يسوونها....والثلاثة الايام الاخيره من دورتهم صارت معلمتهم تعلمهم

تغليف الهدايا وكيف انهم يغلفون العطور وغيرها ...

الدوره هذي انتهت ... ورح تبدا عندما يسجلون بنات جدد ..

وبدات دوره غيرها في فن الفسيفساء والخزف والرسم على الزجاج

على ما اعتقد ....انتي كلميهم ورح تقول لك على كل التفاصيل ..

والمركز هذا في الرياض تقاطع شارع الضباب مع على ما اعتقد الثلاثين

شفتي وانتي رايحه على شارع الضباب خلي مدينة الملك فهد الطبيه على يمينك

وروحي على طول لين يجيك الماكدونالدز لفي من عنده يمين وامشي

لين تعدين مغاسل الجبر بعدين هدي شوي شوي لين تجيك طبعا على اليمين

فله كبيره على شارعين الشارع اللي انتي عليه قسم الشباب

واللي على الشارع الثاني للنساء وترى لوحتهم صغيره يالله تنشاف.

وترى عندهم بازار اظني يوم الثلاثاء الجاي يعرضون فيه الاشياء اللي سووها

البنات في المركز من بخور وغيره..

اعذريني طولت عليك بس يوم شفت دعاءك لي تحمست بزياده ..

واذا حبيتي تسألي عن اي شئ قولي و لا يردك الا لسانك .

ام شهرزاد استفدتي من الدوره وإذا ايه وصاروا مايسجلون ممكن تعلمين خخخخخخخخخخخخخخخخخخخخخخخخخخخخخ