مين تجبر بخاطري تعلمني كيف أسوي قهوة عربي

http://forum.hawaaworld.com/showthread.php?t=925279
^
^
هذا موضوعي وان شاءالله يفيدك يالغلا
بالتوفيق

مووووووووووووووفقه

بس استعملى خلطة القصيم تحسن طعم القهوة

وعليكم السلام اولا تحمسين القهوه او تودينها العطار ويحمسها افضل بعدين تحطين مويه تقريبا لتر في الدله وتحطين ملي فنجال القهوه العربيه مقاس وسط من القهوه وملعقه صغيره مبيض كافي ميت او ملعقه حليب سائل وتتركينها تغلي عشر دقائق وتحطين في الترمس ملعقه هيل مطحون وشوي زعفران وبعدين تشخلين القهوه بمشخله ناعمه في الترمس وباذن الله بتعجبهم

وعليكم السلام ورحمة الله وبركاته

شوفي يااختي

هذي قهوتي المعتاده وكل ماسويتها انهبلوا عليها من حريم ورجال طبعا القهوه انا اشتريها محموسه بس علي اني اطحن كميه منها واستخدمها وهكذا بس مااشتري القهوه اللي تقول محترقه والا فاتحه شوي لاااااا يصير لونه عادي

الطريقه

A_ ماء في البريق تقريبا 5 اكواب

B_ واحد فنجان بن ( قهوه مطحونه )وخليها لمين تغلي وبعدين

نحط بالترمس ملعقتين هيل مطحون واذا عندك زعفران مايمنع تحطين شوي معه بس انا مااحط كثير ,,وبعدين انا بصراحه كنت احط هيل الحين صرت احط (خلطه القهوه )كذا اسمها اشتريها من القصيم وفيه في الرياض بعد

وتطلع روووعه

بس لون القهوه بعد ماتخلص لايصير مويه ولا غامقه لاااا تصير وسط
واذا صارت غامقه حطي كوفي ميت واذا خفيفه مره زودي القهوه عليها وخليها على النار شوي وبعدين حطيها بالترمس

وعليكم بالعافيه

تراها سهله مره مايبي لها شيء بس بالكتابه تحسين انها شغله وهي ولا شيء

ذكرتيني فيني اول ما تزوجت يس شوفي طحت لك على قهوة بطرانة اسمها القهوة الخاصة تنباع عند محل عطارة في الروضة اسمه وادي الزعفران بس الحين رفع سعرها وصار الكيلو ب70ريالوحلفت ما اشريها منه
المهم:اختاري قهوة هرري حمسة وسط وحطي فنجال قهوة على ابريق طبخ القهوة وانت قدري الماء حتى ما تكون خفيفةوخليها تطبخ ربع ساعة على نار هادية(طبعا بعد ما تقلب قلبة اقصري النار ربع ساعة)وجهزي بالترمس ملعقة هيل او 2 وشوي زعفران)وصبي عليها القهوة وبس تركد شوي اشربيها ...ممكن تطبخي مع القهوة مسماروشيبة حسب رغبتكم وبالعافية