مين تجرب الخلطه معي؟؟

اهلين بنات

بالمختصر انا يوم من الايام كنت اتصفح هذا المنتدى الرائع جدا

ولقيت وحده تسال عن فوائد زبده الكاكاو والله ماني ذاكره:o المهم

ردت عليها وحده وعطتها الخلطه هذي وهذا هو كلامها

0
0
0
0

حبيبتي الغاليه فيه وحدة من صديقاتي قبل زواجها بشهر راحت للدكتوره اخصائية بشره علشان تديها مبيضات ومفتحات لأن مابقي الا شهر وخايفه مايمديها تصلح شي --- تدرين اش وصفت لها؟؟؟؟؟
وللأمانه انا جربتها قبل زواجي بشهر الصراحه والله العظيم جنااااااااااااان ولها عدة ايجابيات والنتيجه توضح بعد اسبوعين بالضبط بشرط استخدامها صباحا ومساء وبكميات متوسطه بحيث انك بعد الدهن تحسي جسمك رطب مو جاف كأنك ما حطيتي شي
والله وصفتها لكذا وحدة وكلهم دعو لي وانا جسمي كان فيه بعض الترهلات بالأرداف وسواد بالأفخاذ والجوانب والحمدلله والله جسمي فتح كثير وصار مثل الزبده بلمعته ونعومته وصار مشدود بعد وخفت كثير الخطوط البيضا منه اللي كل بنت تعاني منها
حكتب لك الوصفه ومفعولها طويل الأمد وانا حاطتها بعلبه بدرجي استخدمها كل يوم والحمدلله محافظه ع جسمي وريحتها حلوة مايحتاج تتحممي بعدها واي استفسار انا جاهزه تامري امر

المقادير:
علبة زبدة الكاكو وحنزل صورتها لأن ماينفع الا هالنوعيه
شي اسمه استرتش ماركر من لوريال تحصليه بالصيدليه يجي زي عصار الجل لونه ابيض وغطوته تركوازي ومعروووف بالصيدليات
عبه صغيره فازلين بيبي جونسن الأزرق الغير معطر ماله ريحه وعلبته شفافه وغطوته زرقا
علبة جلسرين الأحمر الدائري ومعروف هذا
4 ملاعق كبيره زيت لوز---- انا استخدم حلو مر كله واحد
حطيهم كلهم بالخلاط لحدة ماتصير زي الكريم وحطيها بعلبه وتوته ياتوته انتهت الحتوته.
وحطيها على كل جسمك لاتبقي مكان ماعدا وجهك طبعا
وبالنسبه للأبط عليك بالليمون وارمي كل مزيلات العرق
وخلي بالك طويل علشان تنبسطي بالنتيجه وتلبسي لزوجك محلات نعومي كلها ان شاء الله

وبس انتهى كلامها

عاد انا اليوم كنا طالعين انا وامي واخوي نتقضا عاد انا دايما اي طلعه نروحلها اقعد اتفكر وش
ابي المهم قلت يمه فيه خلطه ابي اسويها قالت وشو بعد هبلتبهم بذا الخلطات:o

قالت امي ميد اخوي يالله اجل عالعطار

رحت وشريتلي زيت اللوز المر وزيت جنين القمح ابيه لخلطه ثانيه صراحه

قلت ميد اخوي قل ميده يجيب عكر فاسي قال اخوي يااختي انتي من وين تجيبن ذا الاسامي منه :16:
قلت انت ماعليك
المهم طلعنا من العطار
ورحنا للصيدليه خذيت هذا ستريتش ماركر بس مو من لوريال خذيت من بالمرز اللي عليه رسمه
وحده حامل:p تهقون يصلح والا لا ؟؟؟؟؟؟ مع تركيبه زبده الكاكاو

بالنسبه لبيبي جونسون ماشريته تهقون بتزين الخلطه بدنه والا لا؟؟؟

وباقي الاغراض عندي وبكره ان شاء الله بسويها خصوصا انها تشد الجسم وتخفف من الخطوط البيضاء

بس يابنات لازم اجيب ستريتش ماركر اللي من لوريال والا الي شريته يصلح

واللي قد سمعت بالخلطه او استعملتها تقول لنا النتائج

ودمتم سالمين:D:D