هلا فيج

انتي قلتي التالي :
وهذا ردي على اسئلتك..

كان فيه قشره لكن داويتها واختفت ولله الحمد..
ما اعتقد عمري سويت..وزني والله متنت مع الإجازه وايد يعني الحين تقريبا هو 58
لا ماسويت تحليل غده درقيه ما أحتاج..
أنا دايم مخي شغال أفكر بأشياء كثير..
لا "أستخدم أي حبوب مطلقا..
نعم ولله الحمد الدوره منتظمه وماعندي نقص هرمونات..
وزني 58 وطولي تقريبا 152 طبعا مو مناسب أبد..
أنا كنت مسويه رجيم وبعدين بطلت وحاليا أفكر أسوي ..
بدأ تساقط شعري تقريبا من 3 سنين..
أنا ماعندي مشكله مره في الطول بس ودي شعري يكثر ويخف تساقطوا وأنا في خير إن شاء الله..
أفيديني أفادك الله وزادك من نعيمه..


شوفي حاولي تسوين برنامج خاص لج كالتالي
1. صلي ركعتين لله الكريم واطلبي منه يوقف تساقط شعرج وينتب ويطول
2. استخيري الله سبحانه وتعالي العليم قبل بدايه اكل او استخدام اي دواء
3. اذا مافيج قشره 100% شي جيد - اذا فيج .. عالجي شعرج قبل كل شي من القشرة .. بالنسبه لي استخدمت شامبو سكين كاب باول اسبوع 3 مرات وباقي كل اسبوع 2 مره .. وكنت حسب وصف الدكتور الخاص استخدم بالاول الشامبو العادي ثم شامبو سكين كاب علشان ما ياخذ شعري علي شامبو القشرة .. حاليا استخدمه كل اسبوعين مره
4. بلشي تاكلين حبوب فيتامينات وتكون تحتوي علي الزنك والحديد شوفي احسن نوع واخذيه لمدة 3 اشهر .. .وكل سنه اخذي حبوب الفيتامينات لمدة ثلاث اشهر فقط او 100 يوم
5. اذا كان تساقط شعرج لحاله تفكير وقلق نفسي واكتئاب .. بلشي تستخدمين امبولات اكرينال للاخت سندويشه جزاها الله خير دنيا وآخرة - بس لهم شروط قبل الاستخدام وهي تستخدم للحالات النفسية
وشروطها - شعرج مافيه قشرة + مافيج نقص حديد وفيتامينات + الدورة منتظمه والهرمونات
واذا كنتي ناويه تستخدمينهم قوليلي واقولج جميع التفاصيل بدقه

استخدمي معاه شامبو اكرينال لتساقط الشعر

6. سوي لج تحليل غدة درقيه للاطمئنان والتاكد

7. استخدمي دواء سورسير هير قروير - يوميا كل 12 ساعه بانتظام - ومو شرط تغسلين شعرج انا كل 3 ايام اغسل شعري او حسب الحاجة - يفضل تحطين الدواء في امبوله لها بوز علشان تقدرين توزعين الدواء علي راسج عدل .. ولا تدلكين حيل بالبدايه بس بصبعين وزعي الدواء لمدة دقيقتين ..

8. بدايه استخدامج للامبول والدواء سورسير لا تفركين بشعرج وانتي توزيعين الدواء .. خلج رقيقه مع شعرج لانه شعرج بدايه متعب وايد ويتساقط

9. اذا انتي وايد قلقه وتفكرين حاولي تسوي استرخاء لاعصابج عن طريق شرب الاعشاب المهدئة يوميا وهي كالتالي :
كردية ( في حالة وجود هبوط في ضغط الدم يفضل عدم استخدامه كلشششش) ايضا في حالة وجود مرض الكلي يفضل عدم استخدامه
الكمون
الكراوية
النعناع
الزيزفون
اليانسون
الحبة الحلوة (شومر)

10. دهني شعرج بالاسبوع مره وحطي عليه خلطه معينه بالاسبوع مره ( مثل بيض سدر الخ)

بالنسبه للامبولات فعلا انفعتني لدرجة 60% وينبت الشعر مع الاستعمال اكثر من شهر
السور سير نفعني 90% وينبت الشعر

لكن كنت قبلها ماكله حبوب فيتامينات لمدة 3 اشهر وايضا مسويه تحاليل شامله وايضا كنت استخدم شامبو ضد القشرة وعقب استخدمت امبولات اكرينال لمدة شهر ونصف وعقب ماقريت موضوع السورسير بلشت استخدم السورسير اللي نفع معاي من ثاني اسبوع والحين مستمره عليه مع الامبولات

وناويه ان شاء الله اكل حبوب فيتامينات حتي اذا مافيني نقص قبل رمضان وبرمضان وعقب رمضان صاروا 3 اشهر
وايضا قالت لي الدكتوره مره انه الحريم المفروض ياخذون كل سنه 3 اشهر فيتامينات تحتوي علي حديد



اختي فتاة الازهار .. كل اللي كتبته من واقع تجربه شخصيه ومجرب شخصيا .. صدقيني اللي تطيح شعرها تعفس روحها وتلجا لكل الطرق .. لانه طيحة الشعر تتعب وتبجي وايد وتسبب حاله نفسية

واالشغله يبي لها صبر وارادة وصدقيني مع مرور الوقت تحسين هالشي صار روتييني وعادي




جزاج الله خير .. مع تمنياتي بالشفاء العاجل وشعر كثيف

ألف ألف شكر لك اختي شمس بدر ..

الله يبلغك الجنه..

والله حاسه براحه ويمكن أبدأ بعون من الله أستخدم دواء سورسير هير قروير ..

أسأل الله انو ينفعني والنافع الله سبحانه وتعالى..