مين تدور معي على مفتاح زوجي ؟؟؟؟؟؟؟؟؟؟؟

الاحترام و الحب و انج تحسسين ريلج انه مهم في حياتج اهي اهم الامور
اسمعيه لما يتكلم وتناقشي معاه و اعطي رايج بكل شي

انا مره قلت حق ريلي لما طلع مره بالتلفزيون بالاخبار قلت له : مبارك انا حيل فخوره فيك

و الله و الله يا اختي ان الجمله هذه حيل اثرت فيه وما توقع اني اقولها له ؟ :)

احس الرجل يحب البنت لما تمدحه وتقول له كلام حلو و تدلعه فهمتي علي ؟؟

حاولي انج تدلعينه اكثر :)

أهلين حبيبتي نبض الوفا شاكررره لك اهتمامك وردك على الموضوع واتفق معاك 100% أن الحب هو الاساس ولكن كثير هم الرجال في مجتمعنا يحبون زوجاتهم لكن لا يظهر ذلك في تصرفاتهم ولذلك نقول ماهو السبيل لجعل الرجل يعبرعن ذلك
يعني كيف تستطيع الزوجه ان تخرج تلك الاحاسيس الى التطبيق الواضح بدل ماتكون منكونه لها في القلب فقط واذا سلكنا هذا الطريق عزيزتي فإننا نرجع الى سؤالنا الاساسي ماهو المفتاح ؟ الذي تستعمله الزوجه لتوصل زوجها ليعبر لها عن حبه ؟؟؟؟؟؟؟؟؟طبعا لفظيا وعمليا تماما مثل صاحبتنا في القصه .

حبيبة مبارك أهلين ياقلبي والله ما حنا مقصررين وجالسين ننتظر النتائج ..........

تبينه يطلع احساسه
شوفي

انا بالنسبه لي شخصيا مطبقه قانون في البيت لما يدش زوجي من الباب قبل يقول : السلام عليكم ويدش الغرفه عشان يبدل ملابسه و انا بالمطبخ ازهب الغدا

بس بعدين حسيت ان فيها روتينيه شنو يدش بالطريقه هذه ؟

صرت شنو اسوي ؟ سويت قانون :
لما يدش يبوس خدي ويقول شلونج حبيبتي
انا ارد الحمد الله طيبه
يدش الغرفه يبدل ملابسه اكون انا زهبت الاكل


ثاني شي لما نطالع التلفزيون كله قاعدين على الغنفات و التلفزيون قبالنا !! غيرت القعده

صارت الغنفات خلفي وحطيت جلسه صغيره على الارض وركاوي (تعرفينها ؟؟ )

وقعدت تحت التلفزيون ( مثل ايام الطفوله ) و احط الركاوي ونقعد اثنينا على نفس الفرشه هذه تحت بالصاله ونطالع التلفزيون و الله انها احلى قعده :):) طبعا انتي فاهمتني تكونين حيل قريبه من زوجك يحط راسه على ريولج تفركين راسه تمشطين شعره او ( تفلينه ) انا كله اقول له تعال افليك واسوي نفسي صدت نمله !!

ومن الحركات هذه ؟ بتلاقينه بروحه راح يصير يتكلم ويعبر عن اللي بقلبه وعن اللي يحبه لانه راح يحس نفسه صار بسيط معاج ونزل لمستوى تفكيرج

طبعا لا تنسين الوصيه اللي درسناها في المدرسه : لا يشوف منج الا كل زين ولا يشم الا كل طيب وغيره الام اللي توصي بنتها ؟ تذكرين الوصيه ؟؟

شوفي حبيبتي أختي مثلك لها عشر سنين ولاعرفت مفتاح زوجها إلا من كم شهر وبعد تعب شديد..
ولساتها كمان شاكه إن هذا هوه المفتاح الرئيسي ومازال البحث مستمر..
حشى صار باب..هههههههههه

المهم ياقلبي أهم شئ الحب المتبادل بين الزوجين والإحترام..
وبعدها لازم تحسسين زوجك إنه أهم شئ عندك بالدنيا كلها وإنك مستعده تتخلين عن أهلك وعيالك وكل اللي حواليك إلا هوه..
وإنك ماتقدري تستغنين عنه..
وبعدها لازم تعاملينه مثل الطفل تشوفين طلباته وتدورين راحته وكل هذا بهدووووء ونعووومه..
لازم كمان تكوني غنوووجه معاه وبنوووته لاتقولي كبرت على الأشياء هذي..
بالعكس الرجال يحبون إن المرأه تدلعهم وتدور على راحتهم..
وكمان من أهم الأشياء إنك تبينين له إنك مفتخره فيه .. وإنك قولتي لفلانه وعلانه إن زوجي أبداً مايحب يتعبني..
يدوور على راحتي .. وأهم شئ عنده إنه يعيشنا في نعيم.. ومايخليني أنا وعيالنا محتاجين شئ..
((تقولين عيالنا مو عيالي أو عياله لازم يكون كل شئ منسوب لك إنتي وإياه))
والحمدلله ماعمري حسيت إننا أقل من غيرنا.. ومن هالكلام الكبير اللي يخليه يحس بأنه مركز فخر لك ولعيالك قدام الناس..
عوديه كمان لما يجي من العمل تكوني مستنيته بكوب عصير بارد إذا كان في الصيف..
وتلحقيه بالكوب إذا دخل غرفتكم.. ولابد من البوسه والحظن ولو بشكل بسيط..
وعوديه كمان لما تكونو تتابعو شئ في التلفزيون مثلاً إنك توني بحظنه هذا إذا ماكان عندك أحد..
أو تلعبي بشعره أو تكبسي يديه ورجوله صدقيني راح يتعود على هالشئ لدرجة إنه لو جلس يتابع فيلم أو أي شئ وإنتي مو معاه راح يفقدك ..
ويدور عليك بعد...
وعوديه كمان قبل ماتنامون لابد من كلام حلووو وحركات حلوووه قبل النوم مو لازم ينتهي الموضوع بشغله كبيره لكن شئ يتعود عليه..
((صدقيني ياقلبي إنتي اللي تقدري تعودي زوجك على الأشياء اللي تبينها وعن طريقها تتحول لمفتاح تديرينه إنتي في الإتجاه اللي تبينه..))
وأتمنى إني أكون أفدتك ولو بجزء صغير..

ما ادري باعتقادي ان كل رجل فيه شي يهمه اكثر من غيره يعني اسلوب الدلع ما بيفيد مع كل الرجال .. كل رجل في نقطة يوليها اهميه اكثر من غيرها في رجل يهتم ويحب الاكل فيصير تركزي على هذي الناحية تكوني مبتكرة فيها ... في رجل يهتم ب ..... يصير انتي تحاولي تشبعيه من هذي الناحية اولا بالتجديد والالبتكار وتكوني مطلعة في هذي الامور ... وفي رجل تركيزه في امه واهله ... يصير انتي تشاركيه هذا الاهتمام ... يعني اعرف وحدة كان من درجة تعلق زوجها بامه اخذ زوجته ونام عند امه من ثاني ليلة ... تخيلي الان بعد كم سنه ما يروح لامه ولا يسوي شي الابعد مراجع زوجته ... طبعا احنا مو هذا اليي نبغاه انا بس بعطي مثل واقعي ... يللا ادور معاكي ودوري معايا انا مش عارفة في المفتاح !!! فكري زوجك ايش يحب اكثر شي ويهتم بيه ؟؟؟