مين تزوجت مغصوبة؟؟/ قديم

لاإله إلا الله...وليه الغصب...سبحان الله...ماحبيت أمر من غير ماأرد ولاأعرف بصراحه وش أقول؟؟؟

انا مثلك لكن في لختلاف
يعني أهلى موافقين على اي واحد بحجة الزواج ولا القعدة
والخطبة تمت وانا ماودي فيه دايم ادعي انه يبعد عني ( ما ابغاه لأن صفاته ووظيفته بسسسسسسيطة جدا
الى الآن شهر من الخطبة ما تطور الموضوع ........ سبحان الله

بس ادعى بالخيرة الله يوفقك

بدرية بنت ابوها الله يعينك
اكيييييييد مو سهلة
الله يصبركم و يحنن اهلكم عليكم

مممممممممم انا تزوجت غصب ... يعني ابوي شاف أنه زين وعاند وركب راسه الله يهديه .. وإجباري الا أخذه وانا ماكنت ابيه ومستحيل هالشخص خصوصا اخذه ...

مستواي الدراسي تدنى ونزل
النفسيه عدددددم
حسيت الدنيا صاكه بوجهي
مافرحت بالتجهيز ولا خططت وحلمت مثل كل بنت
وكلت أمري لرب العالمين

والحين الحمدلله حياتي معاه حلوه وعندي منه ولد شبه أبووه :)
ولو اني احس انه في شئ ناقص ...

لكــن عسى ان تكرهوا شيئا وهو خير لكم .. وعسى ان تحبوا شيئا وهو شر لكم

بقول لكم قصة صديقتي اللي تزوجت ولد عمها وهي ما تبيه يعني مغصوبه و قصتها كانت كالاتي تقدم واحد لخطبتها شخص وسيم مركز و مال و جاه وفيه كل المواصفات اللي تتمناه اي بنت المهم هي وافقت عليه و وصل الخبر لولد عمها اللي جاء لعمه و قال انا ابي بنت عمي ابي اتزوجها ما ابيها تطلع بره طبعا الاب فرح و رفض الشخص اللي تقدم لها و زوجها من ولد عمها و طبعا رفيجتي تصيح و تصرخ و تقول انا مابي ولد عمي انا بتزوج فلان و فلان احسن من ولد عمي و من هالكلام المهم تزوجت ولد عمها و طلع هالانسان طيب و حبوب و من اروع ما يكون لها لدرجة انها تموت فيه و مع الايام اكتشفت ان الشخص اللي كان متقدم لها تزوج بنت عمها و طلقها ليش لان ام الولد كانت تبي تنتقم من ام صديقتي و ام بنت عمها في بناتهم و كانت تبي تزوج عيالها البنات و تعذبهم و بعدين تطلقهم فالله رحم رفيجتي بزواجها من ولد عمها اللي صابر صاره 6 سنين ان الله يرزقه بعيال من بنت عمه و مدللها و دايما يقول لها وجودج يكفيني و اللي يشوفهم يقول معاريس عسي الله لا يغير عليهم و يرزقهم الذرية الصالحة و يعوض صبرهم خير عسي الله يرزق جميع المسلمين و لا يحرم احد و صدقيني يا اخواتي ساعات تكون للاهل نظرة مختلفة عن البنت بحكم الخبرة و تجارب الحياة لانهم مروا بمواقف و ازمات عطته نظرة مختلفة للامور :26: