ريفاااااااااال @ryfaaaaaaaaaal

كبيرة محررات

مين تسوى فيا خير وتعطيني طريقة كبسة التونة بالخطوات المصورة ماابغى اتفشل من زوجي

تكفون بالخطوات المصورة لاني منحرجة من جوزي وغير كدا مو من هوات المطبخ ابدا

فابغها بطريقة واضحة عشان الفشلة وجزاكم الله خير

يلزم عليك تسجيل الدخول أولًا لكتابة تعليق.

تسجيل دخول

omfato • 15 سنة

حبيبتي ,,
اول شئ تسلقين الارز نص سوى ,,
وبعدين تحمرين البصل الطماطم وخضار مشكلة وتونة وضيفين شوي مويه وصلصة
وتحطين الرز فوقها وتقصرين على نار
طبعا قبلها تحطين فوق الرز كركم اوزعفران

دعواتكم لي ربي يعجل بزواجي

أم الذرابة • 15 سنة

حبيبتي انا حملت لج صور طريقه كبسة التونه هذي الطريقه الصحيحه للكبسه بس عاد ماصورت الخطوة الأخيره

أنتي حطي رز مغسول ومنقع وصفيته من الماي قد اللي تبين وتركيه ينشف المرق وقصري على النار عشان يتسبك زين

تحمرين البصل مع الفلفل البارد

تضيفين الثوم المفروم ضروري عشان ريحه السمك وتقدرين تحطين زنجبيل طازج مفروم

تضيفين البهارات كمون وكزبرة ناشفه وكركم ودارسين وهيل ناعم وبزار ماعندج بزار حطي شوية كري

تضيفين الطماطم المفروم والكزبرة الخضراء وتقلبين على نار هادئه

ضيفي معجون طماطم وتقدرين تستغنين عنه بس هو اللي يعطي الكبسه نكهه

ضيفي التونه انا حطيت تونه ناعمه ماكان عندي خشنه

وحركيهم على بعض

صبي الماي الحار قد الرز اللي عندج

حطي الملح وغطيه وتركيه يغلي لمده 10 دقايق بعدين ضيفي الرز ويكون الماي فوق الرز ب2 انش فقط وتركيه يطبخ
لغايه مايشرب المرق وطي عليه النار لمدة ربع ساعه واقدميه لزوجج وانتي رافعه راسج
ولاتنسين تدعين لي

محبتكي

أم محمد