مين تشاركني .. موضوع مهم .. انحفي و استفيدي

السلام عليكم ورحمة الله و بركاته

أخواتي العزيزات

أشوف كل وحده منكم مهتمة في نفسها اولكم انا :icon28: لان هذي طبيعة المرأة بشكل عام و مهتمة في وزنها و كيف تلبس في المناسبات البدلات الحلوة و اللي ما تطلعها متينه ..

المهم عزيزاتي ..

انا بقترح عليكم اقتراح ..

مثل ما انتم مسوين لكم جدول للنحافة .. سووا لكم جدول لحفظ القرءان الكريم ..اقول حفظ مب قرءاة لأن لازم يكون لج ورد يومي في قراءة القرءان ما يقل عن جزء لا تقولي مشغوله :angry: فرغي نفسج عشرين دقيقة او ربع ساعة بتخلصين الوردا ليومي

نرجع لموضوعنا عزيزاتي

حلو الانسان يكون له هدف و يسويه ويمشي عليه مثل انه ينحف خلال 3 شهور بمقدار معين ..

طيب ليش مانضيف لهذا الامر شي يفيدنا في الدنيا و الآخرة

و ما في مثل القرءان الكريم

اكيد انتم تغبطون طفل عمره 10 سنوات حافظ القرءان الكريم

اللي ابغي اقوله عزيزاتي خلي لج مقدار معين او جدول تحفظين فيه القرءان الكريم مثل ما انتي تسوين لج جدول تنحفين فيه التزمي فيه مثل ماتلتزمين في جدول النحافة احفظي و اجتهدي و توكلي على الله ..

اعرف وحده من الأمهات حفظت القرءان في 12 سنة تخيلوا ما شاء الله صبرت وصابرت و كانت تربي و تسير لها مناسبات و لكنها تستمر

شو رايكم نبدأ نحفظ القرءان الكريم مع بعض :39:

اللي موافقة تخبرني عشان ننتقل لقسم القرءان :27:

تسلمون عزيزاتي