مين تطلقت وشافت السعاده والرزق والراحه بعد الطلاق

السلام عليكم ورحمه الله وبركاته
يا بنات انا كارهه زوجي من سنين و مافيه بينا اي مشاعر ولا موده ولا رحمه
هذا كللله غير مهم عندي لكن المهم اني خايفه من بعد الطلاق لانه صعب جدا اعيش عند أهلي مافيه مكان لنا ولو لاقدر الله الاطفال يعيشون عند اهله الوضع للاطفال اسوء لهم بكثير
ودي اجزم واطلب الطلاق لكن مثل ماقلت لكم خايفه من بعد الطلاق بالنسبه للاطفال حرام اظلمهم وبعد حرام اظلم نفسي بالعيش مع انسان كارهتته
من سنتين أحسه خلاص مافيه اي مشاعر لي تجاهه
هو المشاعر غير مهمه لكنه يقل ادبه عليه و كل شي عنده لا حنا في بدايه العام الدراسي الجديد حبيت الاولاد يدرسون فتره المساء تحفيظ قران منها اغرس الدين وكلام الله فيهم رفض اخونا في الله السبب بدون سبب لمجرد كلمه لا
كلامه كللله سب وشتم ولعن لسااانه
وجهه يجيب الفقر والامراض النفسيه اللي يبي اكتئاب وحاب يجرب هالمرض فقط يطالع وجهه يجيه المرض النفسي
بس ودي تجارب بعض الاخوات بعد الطلاق
بصراحه اتحسسف ع كل لحظه قضيتها مع هالانسان
انا مختلفه عنه تماما الحمد لله الناس تحبني ولي قبول بالمجتمع الحمد لله
احب النظافه والعطور والبخور والاهتمام بالمنزل شي اساسي عندي احب يكون كل اسبوع معي ورد طبيعي ريحة الورد تجيب طاقه ايجابيه بالبيت تقولون وش علاقه هذا بهذا أقول هو عنده مايفرق البيت المقزز من البيت المرتب النظيف يكره ريحه البخور والعود عذره انه معه التهاب بخشمه مدري ايش ولا يحب البخور وهو كذاب علشانه يستعمل حشيش وعرفت هالمعلومهًمتاخر انه اللي يستعمل هذا النوع مايتحمل روايح البخور
صرت استعمل مرشاات وفواحه ايضا مايحبهن
احط عطر اقول تشمه يقول ما يشم شي
مرات اتعمد اجلس بجنبه وانا توني متعطره ابد مايشم يعني اقضي حياتي مع هذا الشخص ولا الفلس ارحم منه انتم وش شايفين
اذ قلت له المدرسه طالبه كذا وكذا يجلس يلعن ويلعن ويلعن ويهدد بالفصل من المدرسه ثم يجيب الطلب بعد ماهو عافسني عفس ويجيبه ثاني او ثالث يوم
مستحيل يتابع عياله مع المدرس احيانا المعلم يكتب شي ويعطي الولد شي ثاني اقول له اتصل عليه المعلم حاط رقمه مع كل طالب يرفض ويهددني اذ كلمته رح يصير لي كذا وكذا وانا بصراحه اكلم المعلمين من وراه هو مايدري عني
لاني اتابع مع العيال ومرات بالغياب اشوف اش اللي اخذو منه
حاسه انه خاين ومتاكده من الشي هذا لانه عندي احساس سبحان الله ايضا بالاحلام اشوف
وقبل فتره جاه رجل وتخانق معه وهدده الرجل قال انه ع علاقه بزوجته والرجال طلق زوجته بس كللللل هذا ما يهمني والله ما اثر فيني الموضوع
انا بس اسم رجل بحياتي محسوب عليه ولو القى
مخرج للهروب منه وبيئه مناسبه لي ولعيالي هربت منه
اللهم صل وسلم وبارك ع محمد ارجو ما ينتقل الموضوع لاي مكان ثاني