مين تطمني الله يحرم وجهها على النار<< يوجد قسم لتفسير الاحلام

السلام عليكم ورحمة الله وبركاته

اخواتي الحوائيات
أنا حلمت حلم ***** الله انه خير وحاولت أفسره كل ماادخل منتدى ألاقي المنتدى مقفل لأنه مليئ بالأحلام فإذا وحده تفسر لي الحلم الله يجزاها كل خير
اولا : اختي حلمت انها شافت جدتي ام امي رحمها الله زعلانة وقالت لولدي خرجها في الحوش انتهى حلمها(جدتي تحب ولدي على الرغم من انه ليس الوحيد في العيلة ،من كم يوم كان الحلم )
ثانيا: أمس العصر حلمت إني جالسة في غرفة موجود فيها جداتي الله يرحمهم وجالسة أمي بينهم وكنت اشرح لهم ودخلت علينا جارتنا(عمة زوجي ) وسلمت على جدتي ام امي وقلت لها لوكنت ادري وانك بتجين استنيتك لاني ناديتها واعتذرت بس رجعت غيرت رأيها وجات على اساس انها بتسلم على الكل بس انتهى عند هذا الحد . وانا في هذي الغرفة اشوف ابويا من الشباك يأشر لي ومعاه خوخة كبيرة قد الشمام ويبغاني اجي اخذها بس ما يبغى احد يشوف انه أعطاني هيا وانا ماني فاهمة اش يقول وهوكان يتكلم بالاشارة رجعت خرجت له في الحوش وسار كل مااقرب منه عشان اسمع ايش يقول يبعد عني ويمشي على وراء ولف الخوخة في سفرة عشان ماحد يشوفهالحد ما خرج الشارع ووقف على الباب ويأشر على وراء ان هذي من عند جيرانا اعطوه له ولمن طالعت وراه شوفت ولدهم واقف وعنده وانيت ينزل منه فكهة وقدام بابهم الفاكهة اللي نزلها كانت كنها على استاند عرض ومن ضمنها كرتون الخوخ بحجمه الكبير اللي مع ابويا ودخلت الحوش حق ابويا ودخلت علي طالبة عندي وكان علينا مطر خفيف مرة ومرة هتان وسألتها كيف جيتي في المطر فذكرت انها تبغاني افصل لها القماش اللي معاها (انا ماعرف لا افصل ولا اخيط)انتهى
وخرجت جارتنا وما رضيت تجلس كثير وهي خارجة أعطت امي ثوب ألوانه حلوه( تركواز على فوشي ) ومشيت وانا دخلت البيت ورحت الحوش الثاني والاقي اختي جالسة وفي حجرها بنت بيضا وحلوة واقولها انا عمري ماشلتها وسألتها عن بناتها قالت عند ابوهم وصحيت من الحلم ونفسي احد يفسره لي لاني لمن حكيته لامي قالت انها كمان حلمت مرتين بنفس الحلم (شافت بنت صغيرة واقفة يمكن عمرها اشهر على طرف حفره واعتذر عن الاطالة ولكم جزيل الشكر