مين تعاني من الكسل والخمول والنوم زيي؟؟؟؟؟؟؟؟؟؟؟؟؟؟

السلام عليكم
هذي وحده تشكي من الكسل و النوم وتبي نصايحكم,,
((مشكلتي مرررره كسلانه دايم فيني نوم , دايم نعسانه,دايم مالي خلق,انام 12ساعه باليوم واحيانا اكثر ولو مالي صلاة ولو ماعندي طفل ولا زوج مادري كم ساعه بنام!!!!,حتى اذا صحيت ما اكون نشيطه زي اللي شبع نوم وقام من نفسه,يصير مالي خلق اتكلم,اصلي وعلى طول ارمي نفسي على الكنبه وافتح التلفزيون, وحتى مااغير بجامتي,ويبيلي ساعه عشان يرجع مزاجي طبيعي,,,,وولدي مع الشغاله القاه قايم وفاطر ويلعب. الحمد لله ان زوجي دايم مشغولو دوامه طويل ما يدري عني متى اقوم وكيف شكلي ويجي تعبان وما يلاحظ شي,ايام الخميس والجمعه تصير اثقل شي علي,حاولت اقوم نفسي بدري بس صار الوضع اسواء وصار يجيني النوم بدري واصير كني مخدره اذا تغديت.
دايم ادعي واحاول اخلقلي شي يشغلني عن النوم بس مافي فايده,,النوم اهم اهم شي في حياتي حتا اني دايم اكنسل اشياء ضروريه اوطلعات حلوه صباحيه اوضهريه مع خواتي عشان اشبع نوم,,حياتي كلها نوم يومي يروح بالنوم,,بس نومي مو ثقيل عادي اقوم اسوي اشياء وارجع انام اقوم اتطمن على بنتي وارجع انام واحيانا ارد على مكالمات بالتلفون اذا كانت ضروري وارجع انام,,لين قبل جيت زوجي بنص ساعه اقوم نفسي واسحب نفسي بالقوه. حتى بيتي مهملته وفي اشياء كثيره تتراكم علي بصلحها فالبيت بسبب مافي وفيه اشياء اهم مثل زيارة امي وللا حاجه ضروريه اطلعلهاو
بس فيه حاجه غريبه اذا طلعت من البيت وقعدت مع الناس ولا رحت سوق او سوبرماركت يجيني نشاط غريب!!!!!!!!!!!!!
وش حالتي هذي فسرولي اياها؟؟؟؟لاتقولون فيك اكتاءاب ماعندي اعراض الأكتأب عادي مستمتعه بحياتي الحمدلله واحب بنتي واموت فيها واحب زوجي ويحبني واجتمع فالناس ويجيوني واحب اتكشخ و اضحك واسولف واكل طبيعي الحمد لله ,ولا تقولون الغده الدرقيه لأني كنت متوقعه وعملت تحاليل كامله الحمد لله كل شي طبيعي.بس مشكلتي النوم والكسل, حتى بالسفر استمتع كثير واستانس بس لازم واهم شي اخذ كفايتي من النوم,اجامل زوجي مره ومره ما اقدر, لأن متعتي ما تكتمل الا اذا كنت شبعانه نوم,
والله احينا اغبط البنات اللي يقولون لي يقومن بدري ويترتبون ويتلبسون ويتكشخون في البيت ويطبخون وعندهم وقت يلعبون مع عيالهم,وحتى المتوضفات اللي اعرفهم الاحظ انهم انشط مني فبيوتهم!!!,اتمنى اصير من الناس اللي تنام 6او7 ساعات وتصحى نشيطه))="وش انطبعاتكم عن وحده زي كذا فسروا حالتها مسكينه مرره تشتكي ودايم تحاول تغير في برنامجها بس ترجع,وحاولت حتى تسوي حجامه عشان كذا.
ادعولها وانصحوها ولكم ولنا الأجر ان شالله:(