أعيد أهلي أول لانهم يجتمعون في الصبح وأهل زوجي مايجتمعون الا في الليل نروح لهم في الليل.

طيب بسألكم اللي كل عيد تروح لأخواته وتفطر عندهم ..امه متوفية..وماتلقى قبول منهم ماتلقى الاتكشيرة ..ومدة بوز يالطيف ..هذي ايش تسوي

انا متزوجة ليه سبع سنين كل عيد ارتز عندهم من صباح رب العالمين حتى احيانا يكونون ماقد جو من المشهد ..والله لايوريكم المعاملة سبحان الله تبسمك في وجه اخيك صدقة ..هذولا مايعرفون شي اسمه ابتسامه
المرات الأخيرة طفشت من ذا الاسلوب وصرت أعيد عند اهلي ...والمصيبة يزعلون لهم عين كمان..
افتكر مرة في عيد وحده من اخواته قامت تخانق وتدق بالكلام شويه تقوم تضرب ..قال ايش اخوية كان كل عيد يعايد علينا بفلوس تغير علينا بعد الزواج ...

المصيبة انه زوجي يقول عمري في حياتي ماعيدت علي احد بفلوس قبل لااتزوج لانه اصلا أصغر من أخواته ..

شكرا لصاحبة الموضوع..سامحوني طولت عليكم

بما ان احنا عيله وحده والكل من الساعه 6 ونص مجتمكعين في بيت جدي والله يا بنات انه من كثر الناس ما القى مدعس قدم خخخخخخخخخخ بس وناسه والله والله ان جمعه الاهل تسوى الدنيا

اعيد على اهل زوجي اول اذا كانو موجودين واذا مسافرين عند اهلي اكيد..

حسب اذا كنت عند اهل زوجي اعايدهم اولا واذا كنت عند اهلي اعايدهم لأن اهل زوجي بلد وانا بلد