انا استغرب اللي تقول ان فلانه نظيفه عشانها تسبح على طول واللي تنصح الثانيه بتشغيل القرءان وقت الشغل عشان ماتحس بالملل والتعب ....حلو ان حنا نذكر الله في كل حين لكن عدم احساسك بالتعب يرجع للنفسيه والتعودد على الاشغال المنزليه من عمر مبكر والدليل الشغالات اللي نجيبهم مسيحيات ومسلمات ماتعرف من الاسلام الا اسمه ومع هذا البيت يلق وهي عادي ماتحس بالتعب
يابنات السر في هذا انهن تعلمن الشغل وهن اطفال يعني من سن 3 سنوات وادخلو على اليوتوب وتاكدو من كلامي يابنات نصيحه لوجه الله عودو بناتكو من عمر سنتين ونص على الاعمال البسيطه وتدرجو معهم بتطبيق الملابس والكنس يعني البنت قبل تدخل المدرسه متقنه لكل شغل البيت الا الطبخ من ثالث ابتدائي عشان ماتتعرض لحرق لا سمح الله
من تأيدني ؟؟؟؟؟؟؟؟؟؟؟؟؟؟

ا

كلامك صحيح اختي بس فيه نقطة ثانية هي عندهم وهي الصحة العامة والقوة الجسدية فنحن ولله الحمد رغم ما نحن فيه من نعم إلا أن كثير منا يعانين من فقر الدم وعدم القدرة على تحمل الاعمال فيجب الا نرهق أنفسنا كثيرا بالاعمال وناخذ الامور ببساطة ( فالعمر يخلص وشغل البيت ما يخلص)

بالنسبه لي انا اذا شلت هم وتكاسلت مااخلص لكن اذا عزمت وتوكلت عل الله اخلص بسرعه...........اول شي انصحكم بوقت الصباح اذا تصحين الوقت فيه بركه وتخلصين شغل البيت بسرعه وتحسين البيت طول اليوم نظيف.......اول شي ابدي بالملابس حطيها بالغساله وعلى بال ماتشتغل قومي وابدي بالبيت انا احب ابدأ بالمطبخ لان اذا نظف المطبخ تحسين كل شي نظيف نظفيه كااااااااااامل لاتخلين شي وبسرعه بلا مواته وكل شوي روحي راقبي الغسيل واذا خلصت طلعيها وحطي غيرها .....وارجعي كملي المطبخ او اي شي كنتي تسوينه واذا خلصتي منه وفيك حيل ابدي بالغرفه الثانيه او الحمامات الله يكرمك ونظيفها كامل ....وباقي الايام كل مادخلتي الحمام مره باليوم شطفيه على السريع ماياخذ ثواني حتى لو نظيف راح ينظف اكثر....والمواعين لاتراكمينها على طول اغسليها ونظفي بسرعه الى ماتتعبين وبتلاقين الوقت مشى بسرعه وخلصتي اكثر من شغله بوقت واحد وارجعي للغسيل وطلعيه ومتى مافضيتي اكوي ورتبي الدولاب ........


وحاجه مهمه بعد استغلي اوقات الانتظار يعني تنتظري طبخه تستوي احد بيجيك او تنتظري طفلك ينام اي وقت استغليها بالاشياء الخفيفه تمسيح مداخل مكاتب غسل بعض المواعين ترتيب الصاله اي شي ولا تنسين التسبيح....وبعد ماتخلصين خوذي دش وخذيلك غفوه وارتاحي ...وبعدين سوي الغداء ووعلى بال مايستوي شوفي لك شغله...تسوينها وبعد ماتخلصين غسلي المواعين ونامي الى العصر وبعدين قومي وسوي القهوه وعل بال ماتستوي شطفي جسمك والبسي وتكشخي بسررعه واجلسي تقهوبي وبعدين غسلي المواعين والوقت هذا ارتاااااااااحي اذا عندك زياره جلسه على النت الى مايجي العشاء سويه بسرعه وغسلي مواعينك ........وحاولي ماتسهرين وبس واليوم اللي بعده ابدي بشي ثاني وخوذي اكثر من شغله مع بعض وابقي طوال الاسبوع مرتاحه ماعندك الا اشغال بسيطه

نفسي اعرف ماشاء الله الموظفات اللي ماعندهم شغالات كيف عايشيين!!
يعني كيف هل ممكن توفق بين وظيفتها لو كانت معلمة مثلا وشغل بيتها واولادها؟

راحت شغالتي  وانا حامل في الشهر الثامن وعند3عيال  وبيتي دورين      
آآآآآآآه الله المستعان