مين تعرف دار الفقيه للتصميم ( خاصة في الإمارات)

الاخت سارا صحيح انا شفت اليوم برنامج على قناة الامارات ولقاء مع مصمم في المركز وعرض ازياء روعه مدري هو والا غيره
ليت الاخوات في الامارات يفيدونا:27:

دار الفقيه
اذا كان هو نفسه اللي أعرفه المصمم اللبناني
فانصحك انك ما تقربين صوبه
مقره الرئيسي في دبي وفساتينه اللي هناك ابدا مب حلوه وسعرها ما يسوى
وعنده خياط في الشارقة تابع له
اسمه (دوجون) وراء حديقة المجاز
خيطنا انا وخواتي عنده
ووالله حرام الفلوس اللي راحت
مع ان القطع كنا شارينها من العيسائي في صحاري سنتر والوار على ألف درهم
بس دوجون خرب الفساتين كلها والتشطيب فظييييييييييييييييع وسئ وردئ جدا
هو فبل كان تمام لكن الحين ما انصحك فيه ابدا
انصحك بمصمم (لادونا) في دبي مقابل نادي الشباب تفصيله رائع
و (أبيتي ) في شارع الرقة لمصمم ايطالي راااائع جدا جدا

صحيح كلام أختي كان موقعه قبل في الشارجه
وكمان موديلاته ما تسوى
وتبدأ الأسعار من 1000 درهم
هذا كل اللي أعرفه عن اللي في الشارجه

شكرا حبايبي على الرد وشكرا على النصيحة وزين اني ما تعبت نفسي رحت له .