مين تعرف طريقة سنبوسة الفرن؟

اميين ياقلبي وياك..
انا مدري ايش تقصدي بعجينه غوار لاني مااعرفها
بس شوفي انا اسويها برقاق سويتز جو الفرن تجي هشه لان نفس الرقاق يصلح للفرن ...
الرقاق الي يجي طازه تكون السمبوسه مطاطه وقااسيه في الفرن ..وفي الزيت تضبط

عندك مستاف حلوه
قبل تدخلينها الفرن امسحيها من فوق وتحت بشوي زيت


وسويتز مره حلوه للفرن


الحشوات
عندي كم حشوه


بصل مفروم فرم ناعم احمسيه واضيفي جزر مبشوروفلفل بارد وتصيرين سالقه دجاجه ومفتتها اضيفيها ع الحمسه املحيها وحطي فلفل اسود وملعقه جبن سايل
واذا سكرتي النار اضيفي كزبره طازجه مفرومه وحركي لين تتداخل المكونات


حشوة الاجبان
جبن كرافت مبشور
جبنة فلادلفيا
جبنة كيري
جبن مثلث
اخلطيهم واضيفي لهم زيتون اخضر وزيتون اسود مقطع صغار
ورشة باربيكيا ورشة فلفل مجروش




حشوة الخضار
بطاطس مقطع مكعبات صغيره
وباذنجان مقطع مكعبات صصغيره


اقليهم بالفلبس وخليهم ع جنب
احمسي بصل وجزر مبشور وثوم مهروس وفلفل بارد
واضيفي نص ملعقه معجون طماطم
اضبطي الملح واضيفي بهاراتك
ثم اضيفي الخضار اللي قليتي وملعقة جبن سايل


واضيفي بقدونس مفروم وطازج اذا سكرتي النار وحركي لين تتداخل المكونات


وبالعافيه

رفع