مين تعرف طريقة عمل الشوربه الايرانية .....

تسلمين حبيبتي أمل الكويت وفيتي وكفيتي ...

بس الشوربة اللي اقصدها انا فيها بقدونس وشبنت ... اذا تعرفينها قوليلي لان كلناها انا وريلي في مطعم من المطاعم الايرانية وعاجبته وايد ...

بس الطريقة اللي قلتيلي اياها بعد كلتها لما زرت ايران وايد حلوه

تسلمين يا :24: ولج مني الف تحيه وسلام

اقول اكيد الحين عندكم برد في الكويت ... يا حلو البرد يا حلوه

لا ما كان فيها شعير ... كانت مثل الاش بس مو اش ... شنو هذا لغز

يعني ما أقدر اوصفلج الشوربه كانت حلوه وايد وريلي خابصني يقولي روحي الانترنت خلي يعلمونج ... مع ويهه كأني كل شي انا تعلمته من الكمبيوتر .. خخخخخخخ ... ما يدري الفقير انا في أول زواجنا كانت كل أمي تطبخلي واروح اييبه من عندها واقول أنا طبخته لين ما كشفني ... ههههههههههههه والله ايام


المهم ما ابغي اعذبج حبوبه خلاص مو لازم هالشوربه :(

السلام عليكم:26:
تفضلو المقادير:

المقادير :ـ
كيلو لحم غنم مع العظم

البقول
كوب حب هريس
كوب حمص
كوب عدس أسود + أحمر
كوب ماش
كوب فاصوليا بيضاء + حمراء
كوب أرز ( عيش )
يعنى كوب لكل نوع من البقوليات المتوفرة لديك


الخضروات
------------
كيلو سلق أو أكثر وهذا ضروري لإعطاء الشلة النكهة المميزه .
كيلو شبت
كيلو كزبرة
كيلو بقدونس
كيلو سبانخ طازج
2 صرة بقلة
شدة نعناع
2 طماطم مقطعة قطع صغيرة جدآ ومقشرة 2 فلفل أخضر حار
بصلتين متوسطين الحجم

4 ملاعق بهارات مشكلة
4 ملاعق كركم
2 ملعقة دارسين مطحون
3 ملاعق ملح
2 لومي أسود مطحون
2 ملعقتين فلفل أسود مطحون
عصير ليمونة
كأس زيت
للزينة 2 بصل محموس مع كركم
الطريقة :ـ

تحتاج الاش اوالشلة لتنضج وتصبح جاهزة للإكل حوالي 6 ساعات طبخ .

ننقع البقوليات بعد غسلها وتنظيفها مدة 4 ساعات أو من الليل .
ننظف اللحم ونزيل منه الشحم ونضعه في القدر الى ان يغلى, نزيل منه الزفرةاللي يظهر وقت الغليان .
ثم نضيف عليه البقوليات المذكورة كلها .ونتركها حتى تنضج البقوليات واللحم
بعدها نحمس الخضروات حتى تذبل و نضييفهاالى اللحم والبقوليات بعد غسلها زين من الرمل وتقطيعها قطع صغيرة , يعني نفرمها .ونضيف فوقها الطماطة المقشرة والمفرومة ناعم
وبعدين نضيف البهارات ولا ننسى كمية الماء لازم تغطي كل المقادير وتزيد شوية . واذا احتاج الامر ماء نضيف له ماء مغلى
نعدل طعم الملح ونتركها على نار هادئة مدة 6ساعات تقريبآ .
بعدين نحمص البصل والكركم لين يصفر لونه ونضيفه على الشلة ونحركها شوي قبل أن نسكبها , حتى ينزال الللحم عن العظم ونرفع العظم ونضربها شوية .

ملاحظة :ـ حجم القدر لازم يكون ضعف حجم المقادير وزيادة , لأن المقادير بيتضاعف حجمها وقت الطبخ . يمكنك طبخها بقدر الضغط للسرعة

يمكنك طبخ الاش ليلا واتركيها على نار هاديئة طول الليل و بالإضافة لضرب الاش وتحريكها

يمكنك الاستعاضة عن اللحم بالدجاج وتكون طيبة ايضا مممممم
وبالهناء والعافية

مشكورة أختي بان على مجهودك الحلو بس عندي

سؤال : شنو يعني " السلك " ؟ :(

هو السلق حبيبتى انشاء الله تكونى عرفتيه:26: