مين تعرف عن الهوى اللي في الرحم

خذي الرشاد واطحنيه يعني مقدار ملعقتين وقرفه مطحونه واعجنيهم مع تمر خلاص واكليهم كل يوم اذا جتك الدوره وانشاالله تحملين يارب وهذا الخلطه للرحم يعالج كل شي

اختي ام نوسة الحلوة : مشكورة حبي على ردك
لكن لازم تمر خلاص يعني ما ينفع اي تمر وكم مقدار القرفة اللي احطة مع التمر والرشاد
وبعدين انتي جربتيه او احد جربة تعرفينه ونفع معاها يا ليت تردي عليه حبيبتي
والف شكر على المساعدة ياقلبي

اختي سوي كبو جيبي جمر وحطي عليه قشر بصل ومرقطعه صغيره واشتري من العطار عيون العفريت عباره عن دوائر صغيره حمراء فيها نقط سوداءثالث يوم من الدوره واتغطي بعدها في الفراش حتى تعرقي ويخرج الهواء باذن الله 0سوي الكبو تقريبا ثلاث ايام

اختي انا اعرف ممرخه ممتاااااازة وان شاء الله تنفعك بعد ربي باذن الله لكنها بالدمام ساكنه وانا عرفتها عن طريق امي معالجه عندها والحمدلله احملت بعد ماسقطت مرتين والثالث ثبت من الله ثم هي وانصحك تروحي لها

مين اللي قالك الطبيب الي فحص او حريم شوفي حبيبتي اعلمي علم اليقين ان الحمل بيد الله متى ماارادك تحملين تحملين ألجيء اليه واخلصي الدعاء وتصدقي انت وزوجك وبري والديك اذا هم عايشين واهم شيء حالتك النفسيه لاتفكري بالحمل كثير وتابعي وقت التبويض مع الطبيبه اكيد بتساعدك
بعدين مسألة الهواء هو انت تحسين بهواء يخرج منك ويحس فيه زوجك وإلا لا اذا فيك لازم تروحي لحرمه تعالجك على العموم اعرف ناس كثيرين مالله كتب انهم يحملون وبعد فتره احملوا من غير ما يتعالجون وفيه ناس نفسهم في عيال ويوم جابوهم تمنوا انهم من ولدوا لانهم طلعوا عاقين لهم خمس اسنين نفس الفتره اللي اجلستها وحده من صديقاتي وبعدها جابت 4 بنات ورا بعض ما يفصل بينهم الا الاربعين وتقولي وين ايام الراحه مدوخينها السبع دوخات
بعدين فكري في الجانب الايجابي من مشكلتك اولا اهم شيء الامل الامل موجود دامك سليمه منتي عقيم وبعدين انتي في راحه ماتشيلي هم الصغار اكلوا ما كلوا ناموا ماناموا يصايحون فوق راسك وطلباتهم مزعجه ما تاخذين وقت كافي مع زوجك وذا رحتي لسهره ما تشيلي همهم تمتعي بحياتك قد ما تقدرين واذا الله رزقك خير على خير
وبعدين تراى العيال مسؤليه ماهي بسيطه بتسألين عنهم يوم القيامه كلكم راعي وكلكم مسؤل عن رعيته