مين تعرف عن عشبة الكثيره

اهلين عزيزتي kitty

على كثر اللى دخلوا الموضوع وما ردو يسعدني اني اكون اول وحدة ترد عليك,,, وارجوا اني افيدك شوي


انا مثلك عزيزتي سمعت عن الكثيرا وانها تكثر الشعر"اسم على مسمى":27:
وما كذبت خبر رحت وشريتها وبديت استعملها مرتين في الاسبوع وصار لي الان شهر تقريبا وانا استعملها وفعلا لا حظت شعيرات صغيرة بدت تطلع في فروة رأسي :41:



طريقة الاستعمال:

1- هاتي علبة فاضية نظيفة وحطي فيها مقدار قليل من الكثيرا بعد تكسيره شوي.
2- صبي عليه ماء مغلي يفضل ماء عذب وغطي العلبة ورجي جيدا.
3- طول اليوم روحي وتعالي ورجي في العلبة :29: راح تتعبين من كثر الرج.
بس مو مشكلة راح ترتاحين لما تشوفين الشعيرات الصغيرة بدت ترجرج فروة رأسك:42:
4- يترك يوم كامل تقريبا حتى يذوب عدل.
5- الان تقدرين تستعملينه علي شعرك بحيث تحطينه على الشعر والفروة خاصة وتدلكين الفروة ،ثم تغطينه بالبلاستيك وتتركينه لمدة 4-5 ساعات ثم يغسل بالشامبو.


ملاحظات:

1- انا سمعت انه يجفف الشعر عشان كذا انا اضيف له الزيت .
2-انا اسوي خلطةالكثيرا ثقيلة شوي واحطها في الثلاجة بعد ما تستوي واذا بقيت استعملها اسوي خلطة قريتها في احد المنتديات "كثيرا +ملعقة سدر+ بيضة+ زيت" اخلطهم مع بعض وازيد عليهم ماء دافي حتى يصير قوام الخلطة مناسب واحطها على شعري.
3- اذا زادت عندك الخلطة لا ترميها وحطيها في الثلاجة عشان تستعملينها مرة ثانية.
4- بصراحة بدت شعيرات تنمو في راسي بس ياترى من الكثيرا ولا من الزيت ولا من حمام الفاشكول اللى بعد السباحة؟؟؟؟؟؟
ما ادري الله اعلم

اتمنى اني افدتك عزيزتي وجربي وقولي لي......

اختي ام حمادة ممكن سؤال بعد ماتغسلي شعرك من الخلطة تغسليه بشامبو ولا لا



وشكرا لك...........

مشكوره حبيبتي يام حمادة ولك جزيل الشكر على المعلومه الحلوه واشكر بعد الذين دخلو موضوعي ولاردو علي لالان و
انا في الانتضار من الذين لم يدخلويمكن تكون عندهم معلومات كاافيه ومشكووووووووووورين جميعا

العفو عزيزتي kitty واحنا هنا في المنتدى هذا عملنا كل وحدة تفيد الثانية بتجاربها وخبرتها.

عزيزتي حايرة انا بعد الخلطة اغسل شعري بالشامبو.


عزيزتي اعصار احنا عندنا في الخليج اشتهرت الكثيرا للشعر وشكلها ولونها زي الاظافر اليابسة .مع الاسف ماعندي سكانر والا كان دخلت صورتها . وانا شريتها من العطار وسعر الكيلو 160 ريال سعودي .

يمكن يكون منها انواع وتستعمل في شغلات كثيرة.............الله اعلم.

السلام عليكم
هذي تجربت اختي لينا فيمنتدى لك انا حبيت افيدك ونقلتة ليكي وانشالله تسفيدة منة
منقول من منتدى لك لي نواعس دامعة
عن تجربه شخصيه هذا غير تجربة خواتي وصاحباتي الي سئلتهم وفعلا ً يمدحون في هالخلطه السهله المفيده بنفس الوقت

وقررت اوصلها لكم ولا ابي منكم غير الدعاء لي بعدم التكاسل والاستمرار في استعمالها لشعري لاني بجد مشكلتي اني كسولةةةة

المهم المقادير :

1. كثيرا
2.ريحان
3. سدر
4. بيضه

الطريقة :
تاخذين القليل من الكثيرا وتضعين عليها ماء مغلي وتتركينها لمدة يوم كامل منقوعه مع الماء الساخن

بعد كذا بتلاحضين الكثيرا ازداد حجمها تاخذينها وتضيفين عليها البيضه حبه وحده بس وتضعينهم في الخلاط لمده خمس دقائق

وبعد كذا ترجعينهم بنفس الوعاء وتضيفين لهم ملعقه صغيره من الريحان وملعقه عاديه ونص من السدر المطحون طبعا ً

بعد كذا اضيفي عليها الماء الساخن الين تصير شبة سائله يعني تحطين ايدك فيها تنزل بسهوله مو لزجه مره

وبعد كذا تبدين تحطينها من بدايه الشعر يعني من الجذور الا النهايه وهو لسا دافئ علشان يستفيد منه الشعر طبعا

ويترك مده لا تقل عن 3 او 4 ساعات بنسبه لي احيانا انام فيه

النتيجه :

راح تلاحضين النتيجه من ثالث اسبوع بتلاحضين الشعر الصغير الي بادي يطلع من كل ناحيه في راسك وبتلاحضين من اول مره شعرك كيف يصير لامع وصحي ويتنفسسسس

وخلال شهرين الكل بيلاحض الفرررق الرائع فعلا ً من ناحيه غزاره شعرك وطوله وصحته وجماله باذن الله

اكيد بتقولون كم مره نستعمل هالخلطه
الجواب الشاطره تستعملها مرتين بالاسبوع اما الكسلانه مثل حلاتي مره بالاسبوع

وعلى فكره لا تنسون تزيتون شعركم قبل الخلطه بزيت الي شعركم متعود عليه عموما ً

وبالتوفيق للكل