مين تعرف للـMB3 تدخل وتفيدني ..!؟ الله يسعدهـآأإ دنيا وأخره

ياليت تحطين صورة حقها عشان اعرف وش فيها واقول لج
بس ماعليه
اهي عادتا تنزلين فيها اللي تبين من موسيقى واغاني و دعاء وقران من الكمبيوتر حالها حال الفلاش مومري
وفيها حبات اون واف و يمين او يسار حق تبدلين الاغاني وفيها لزيادة او نقصان الصوت وفيها مكان تحطين السماعه وبعض الانواع تشحنينها جارج بالكهربا وبعض الانواع بطارية ضغيرة مثل مالت الروموت مال التلفزيون وااذ خلصت المومري يعتمد على النوع بعضها يقبل انج تبدلين المومري بحجم اكبر واذا ماقبل مالج انج تمسحين شوية من اللي فيها ولين تبين شي تحذفينة تقدرني من الMP3نفسها تحذفينة من المنيو او اسهل لج عن طريق الكومبيوتر
ومن المنيو بيجوفين الخيارات حذف مثلا والاذاعة والموسيقى وغيرة
اتمنى افدتج فديتج

up

حطي صورته علشان نعرف شكله....

اذا زي هذا ابشري بعلمك

هذا ياستي تشبيكينه بالكمبيوتر يشحن على طول يفلل بـ 3 دقايق تقريبا

وبالنسبه كيف تحملين من الكمبيوتر للام بي ثري عادي نفس المووري بس تشبكينه وتفتحينه تسحبين المويزك وتحطينها فيها

ولما تبين تمسحين منها المويزك كمان نفس المومري تحطين ديليت من الكمبيوتر والا من الام بي ثري نفسه ديليت بعدين تحطين اوك

وبالنسبة للذاكره لا ماله ذاكره هو سعته فيه 2 جيجا وفيه 4 قيقا احسه كبير يعني تشيل كثير


وتكفي عملية شحن واحدة لجعل المشغل يعمل لمدة 18 ساعة متواصلة، وعند شحنه بسرعة لمدة ثلاث دقائق فإن البطارية تمد المشغل بالطاقة لمدة 90 دقيقة. وتأتي مع المشغل سماعات سهلة الانسياب

فيه كمان راديوا <<<< الى الان ماعرفت اشغله صح اشغله بس اسمع وشوشه وفيه تسجيل

كمان الى الان ماعرفته له

اتمنى اكون افدتك لو بشيء بسيط

^^^
كلام الاخت هيووده صح
انا عندي زي هاذا



بالنسبه للراديو
لما نشغلين الاف ام اضغطي على manual
بعدين الزر اللي يغير ملفات الموسيقى اضغطي مرتين عليه عشان يعمل سيرش
لما تلقين اذاعه مثلا رقم 91.5 هاذي اذاعة القران>>ماتشتغل عندي غيرها
المهم تطلعين والاذاعه شغاله وتحفظينها من عند add preset
وتسيرين دااايم تشغلينها من preset لانها محفوظه

اما التسجيل تقدرين تسجلين من الراديو او الاصوات الخارجيه
تلقين زر مكتوب عليه REC/STOP
اضغطيه ويسجل ولما بتوقفيه اضغطي عليه مرره ثانيه
بالتوفيق