مشكورة الغالية ليالي الامارات على ردك انا عندي الكريم الليلي المغذي واحس ثقيل

وين الباقيات

أنا جربت كذا شغلة من هالماركة بس الشي يلي ما رح اشتريه مرة تانية هو الكريم

المغذي الليلي..هو مو سيء أبدا بس أنا حسيته كتير تقيل وبيعطي طبقة دهنية على

البشرة يعني ممكن استخدامه بالشتاء أما بالصيف ومع الرطوبة ما بيمشي معي.

أظن بدو بشرة كتير جافة مع انه ما بحس البشرة بتتشربه لأنه بضل على السطح..

على كل حال لسه عندي نص العلبة رح كملها للاخر وبعدين احكم مظبوط أما بالنسبة

لباقي الأشياء جربت كريم العين كمان تقيل بس أنا محتاجته تحت الكونسيلر بيمشي

بسهولة فوق الكريم وبرطب المنطقة...واقي الشمس كاتبة موضوع عنه وهي الرابط:http://forum.hawaaworld.com/showthread.php?t=450326

وجربت كمان التونيك بس ريحته مو كتير أما مفعوله يبدو جيد..

الف شكر حلا الشام على التوضيح ومادام جربت كريم الليل هل يصفي البشرة

قلب الزمان

بالنسبة للكريم المغذي تبع لويس ويدمر هو بس كريم مقاوم لشيخوخة

البشرة ويلي عندي هو للبشرة الجافة والشديدة الجفاف ومن مكوناته فيتامين أ و اي والبانثينول وأنا

يمكن ما اقدرت أستفيد منه لأنه أصلا ما عندي تجاعيد (أخر العشرينات) بس كنت

خايفة لأني قربت صير 30 فقلت أستعمل شئ للوقاية من هلأ بس حسيت انه ثقيل متل

ما قلتلك لبشرة أكبر وأكتر جفاف..فانتي شو قصدك بالصفاء صفاء من التجاعيد مثلا؟

ولا بشرتك مرهقة وما فيها صفاء؟ قوليلي عل مظبوط شو مشكلة بشرتك وأنا

حاضرة..