كده احنا خلصنا وش الباليرنا ..لو قستيها عليكي هتلاقيها مبينه صوابعك كلها
ما تقلقيش لسه ما خلصناش
بعد كدة ..الخطوة دي صعبه شوية في الشرح " انا ما احبش اقطع الخيط فبعمل الحركة دي " لما تقفلي السطر السابق بمنزلقة عندك خيط طبعا على الابرة ؟؟ شدي الخيط شوية " وسعية لغاية ما يوصل للغرزة التانية من الثلاث غرز بتوع المروحة اللى هية الغرزة دي


شوفتي النقطة الاولي عند المنزلقة والمفروض نطلع منها بارتفاع العمود والنقطة الثانية دي العمود اللى جنبها والثالثة مكان البداية الجديدة

وبعدين اعملي 2 س ارتفاع عمود وعمود في كل عمود لغاية ما السطر يخلص معاكي في غرزة الحشو



اقولك ليه بقى نعمل 2 س ارتفاع ومانعملش 3 شكل ما احنا اتعلمنا
انا اكتشفت ان ال3 س بيكون شكلهم كدة لما نعمل جنبهم عمود


فلو عملنا 2 بس هيكون الشغل شكله نضيف خصوصا لو هندور حوليه باعمدة

بعد ما نخلص السطر الاول في نعل الباليرينا هنلف ونرجع بارتفاع 2 س " كل مرة 2 سلسلة " ونعمل عمود في العمود
شوفي الحجم الناسب لرجلك وخلصي عليه السطور وبعد كده نخيط الكعب
وده الشكل بعد الخياطة



نشبك الخيط في اي مكان عدا الفورمة ونعمل اعمدة لغاية ما نيجي للفورمة
وقبل الفورمة بعمودين هنعمل العمودين دول تنقيص
يعني هنعمل العمود ونلف الخيط على الابرة ونسحبه يبقى معانا خيطين على الابرة ..نعمل العمود الثاني هيكون معانا اربع خيوط على الابرة بالشكل ده



هنسحبهم كلهم مرة واحدة


بعد كدة هنعمل مروحة في الحشو اللى في الفورمة



وبعدين حشو في نصف المروحة



وفي الحشو نعمل مروحة ونعمل نتقيص في العمودين كما في القسم الاول قبل الفورمة ونكمل باقي الباليرينا اعمدة ونغلق بمنزلقة
السطر الثاني هنعمله غرزة عمود امامية وعرزة عمود خلفية

وقبل الفورمة بعمودين برضه هنعملهم تنقيص


وفي نصف المروحة في السطر السابق هنعمل حشو وفي الحشو مروحة وهكذا وعند العمودين بعد الفورمة هنعملهم تنقيص برضة
ونكمل غرزة امامية وغرزة خلفية لغاية ما نخلص السطر ونقطع الخيط وننضف الشغل بتاعنا ودة الشكل النهائي

معلومة حلوة علشان الخيط ما يتبهدلش منكط في الشغل ويجري ويتوسخ
اسحبي طرف الخيط الداخلي واشتغلي بيه
بكدة تسحبي من جوه والبكرة ما تتدحرجش منك وتتبهدل


انا زينت الباليرينا يكور صفرا فاخدت فتله طويلة من الخيط وقسمتها نصين وبعدين قسمتها وقسمتها وقسمتها لغاية ما اديتني الشكل دة



لفيت عليها الخيط وسحبت منه ونسجت 100 سلسلة ويعدين دككتهم في الباليرينا وعملت كمان كورة وشبكتها في الطرف التاني
وهو ده الشكل النهائي للبليرينا


ملحوظة " كانت الكور في الاول اصفر ورصاصى بس خليتها اصفر بس "
يا رب تكونوا استفدتم مني ولكل من استفادت تدعيلي ربنا يهدي لي الحال ويخلصني من البلاء اللى واقع على

ماشاء الله
خلصت قبل مانبدأ؟
جزاك الله خير
ويخلصك من البلاء ويكتب اجرك
يالا انتظرينا خطوة خطوة