مين تفسر حالتي وتساعدني. .

السلام عليكم بنات صار لي فتره طويلة تعبانه من كل شي بقول لكم كيف كنت وكيف صرت واحكمو أنا يابنات بنت متخرجه من كذا سنه وماتعينت المهم لم كنت بنت أقصد قبل الزواج وبالكليه تحديدا كنت فرفوشه مرحه جميله مرتاحه نفسيا لو وش ما صار من مشاكل مايهمني متفوقه والدكاتره مبسوطين مني اسولف واضحك بالعربي أحب الحياااااااه وبنفس الوقت كنت داعيه وألقي محاضرات وكذا مع بنات المصلى بالكليه نفسها حتى حياتي بمجتمعي كانت رائعه المهم تعبت وأنا بالكليه أول السنوات كان معدلي ممتاز بتفوق لم جيت على سنة التخرج تخرجت بتقدير جيد الحمد لله على كل حال وتغيرت نفسيتي وجسمي وشعري مو بسبب تقديري لا من قبل بفترة المهم انخطبت بعدها وكنت موظفه بمدرسة خاصه لي يمكن أسبوع بالمدرسة والله اللذي لا اله الا هو انقلب حالي فوق تحت خطبوني الناس وهم طايرين بجمالي وذكائي وأهلي المهم اني عاجبه الخاطب وأهله من كل النواحي بعد ماخطبوني بكم يوم وقبل الملكه صارت مشكله كبيييييييره بين أهلي وأهله فجأه تعرفون كيف فجأه لو ماأنعرف كان قلت ايش هي المشكله بس ماأقدر أقولها المهم أنها تافهه جدا جدا ولاتذكر سببها تافه بس كبرت بينهم راح قال ابوي للرجال تونا بالبدايه اذا تدور المشاكل كل واحد بطريق والله يستر عليك قال الرجال لا ماتسوى وحنا شارينكم ومن هالكلام وصارت الملكه سبحان الله أسوأ ملكه بالعالم حتى ماأحب اتذكرها أبدا جدا سيئه من كل النواحي حتى ماطلعت ولالبست فستان جلست بغرفتي أبكي على حظي المهم بعد الملكه رحت للمدرسه الي ادرس فيها داومت اسبوع ثاني وإلا فجأه تناديني المديره يافلانه تعالي خير اش تبغي قالت تعالي بنفس شينه رحت لها ايش فيه قالت إجلسي قلت وش السالفة قالت بصراحه هالاسبوعين الي داومتيهم نشكرك وكذا وكنت رائعه ومجتهده وووو جلست تمدح فيني قلت طيب وش ورى هالكلام قالت بصراحه أخذنا وحده بدالك وانتي ربي يرزقك بوظيفة احسن ويعوضك خير قلت ليش انا قصرت بشي وضحي لي نتناقش وأصلح خطأي بالي تامرين فيه ماأبغ أخسر الوظيفه المهم حلفت بالله انه مو منها أن البنت جابها مالك المدرسه بنت واحد معرفه للمالك واسطه يعني وشال اسمي وحطها بمكاني بحجة اني انا الجديده ومالي إلا أسبوعين والباقي لهم سنه والا كم شهر فقال نشيل الجديده وتحلف بالله انه مالها دخل بطردي وطلبتني اسامحها انا ماعليه من ذا كله انا انطردت ظلم كذا ماسويت شي ولاقصرت المهم طلعت وقلت حسبي الله ونعم الوكيل و رجعت للبيت قلت يالله الحمد لله خيره عشان أفرغ لجهازي ولنفسي أقصد اهتم بنفسي عشان زواجي طبعا صارت مشاكل لها اول مالها آخر وتعقد زواجي وتم بعد ماطلعت روحي بالزواج حجزت أشهر كوفيره ومصوره الكوفيره جتها رجفه ماأدري وش فيها تحط وتمسح وكذا لين خلصت ماكنت مقتنعه بمكياجي مره بس الحمد لله عدت سافرت شهر عسل وماتهنيت 3 أيام بس ورجعت المهم مرت سنوات وانا متزوجه فجأه تصير بيننا مشكله من لاشئ ثم تكبر لدرجه ماتوقعونه حملت بالأول تعبت جدا بالحمل وولدوني قيصري بنص الشهر الثامن الحمد لله على كل حال الآن معي 4 الله يحفظهم مو ورى بعض طبعا الآن وضعي أحلام مفزعه جدا وشعري طااااااااح كله تشوفون فروة الرأس رغم اهتمامي فيه وجسمي حدث ولاحرج مة إهمال لا والله ماأحد يهتم كثري رغم أني ارطب جسمي يبقى جاف البيت انظف والا ماأنظف يبقى وصخ ولا ألحق على الشغل صلاتي الله أعلم فيها تجيني ضيقه اذا صليت غير طبعا حالة كره غريبه للحياه أتمنى الموت أحيانا والخوف الي ملازمني 24 ساعه بنات ممكن الي فيني عين العين ممكن تسوي كل هذا الي صار ليالله يسعدكم الي عندها نصيحه تقولها جزاها الله خير والي بتغثني ف الله يستر عليها لاترد وتزيد همي هم