هو مفلق يعني مقسم نصفين ، وينطبخ فيه جريش مفلق ، له طريقة معينة.
وممكن تسوي فيه جريش باي طريقة
وممكن تسوي فيه شوربة أيضا

هذا قمح مقشور واسمه الدارج عندنا حب الهريس

اما الجريش يختلف وهو عباره عن قمح مقشور مكسور او مجروش خشن

جربي سوي منه بيطلع لذيذ وترى اغلب الرجال يحبون الطبخات الشعبيه ماراح تندمين اذا جربتيه

- الهريس لازم ينقى من الحصى او الاوساخ ثم يغسل وينقع بموية شرب من الليل قبل استخدامه

- وكمية المويه اثناء الطبخ لكل كوب هريس يحتاج على الاقل 4 أكواب مويه الى 4 أكواب ونص .

- مدة الطبخ ممكن 3 إلى 5 ساعات على نار خفيفه جداً وبقدر سميك وتحته قطعة حديد عشان مايحترق .

- اهل الاحساء وبعض دول الخليج طريقة طبخ الهريس بسيطه مجرد لحم هبر بدون عظم مغسول يسلق بالمويه حوالي ربع ساعه واذا طلعت رغوه او زفره تنشال بالملعقه ثم يضاف له حب الهريس المنقوع واذا حبيتي شوي لون احمر خفيف تضيفين له حبتين طماطم مقطعه كبير وبس اتركيه على نار خفيفه ساعتين ثم ملحيه حسب ذوقك وغطيه مره ثانيه واتركيه ساعتين ينضج ثم اضربيه واهرسيه بملعقة الخشب الخاصه بالهريس ثم قدميه بالصحن وصبي على الوجه زبده مذوبه ومغليه على النار الى ان يطلع فيها لون بني خفيف عشان يعطيها طعم .



- واهل حايل طريقتهم مختلفه يسون الهريس احمر مع حمسة بصل وطماطم وبهارات

طريقته بصل مقطع يشوح بزيت ويضاف له بهارات لحم وفلفل حايل الاحمر وبهارات حسب الذوق ثم يضاف له قطع اللحم الهبر بدون عظم ولا شحم ويقلب دقيقتين ثم يضاف له طماطم مفروم يقلب شوي ثم يغطى دقيقتين يذبل ويتسبك مع اللحم ثم يضاف له حب الهريس المنقوع ويغطى بالمويه الساخنه ويترك الى ان يغلي ثم تخفف النار الى اقل حراره ويترك حوالي ساعتين ثم يملح حسب الذوق ثم يترك مغطى على النار حوالي ساعتين مره ثانيه او الى ان ينضج ويطرى ثم يضرب الهريس واللحم بمضرب او ملعقة الهريس الخشب او بالالة الكهربائيه الخاصة لضرب الهريس ثم يقدم في طبق ويصب فوقه قليل زبده مذوبه .. ويعملون له على جنب كشنة بصل وطماطم ومعجون طماطم وبهارات وليمون اسود ناعم وفلفل اخضر بارد او حار مقطع ويقدمونه معاه .

جريش هذا

تسنه قهوه مهي محموسه 😁
والله مدري يا البي

هذي حبوب هريس و هي نفسها تصلح للجريش بس تكسرينها شوي حبوب الهريس و الجريش و حده بس الفرق بينها الهريس حبه كاملة و الجريش مكسر
ينفع تسوين منها جريش او شوربة بس الجريش الذ جربيه