اشلونكم حبيباتي
انا سمعت وايد بالتلفزيون وبعض الناس يمدحون في ابر الميزوثيرابي قالو انها اتضعف الاماكن الغير مرغوب فيها
وانا الله وكيلكم عندي الخواصر املوعه جبدي التنانير ما تلوق علي باللبس ولا الفساتين
سويت ريجيم ماكو فايده اضعف ويترهلون الخواصر بشكل يلوع الجبد
قالولي عن هالابر
اتصلت على العياده قالت لي الابره بستين دينار كويتي
عادي اخدها بس قلت ابي اسال اللي امجربتها صج اتضعف واتشد
مالها اعراض جانبيه
كم ابره لازم الواحد ياخد
كل يوم والا مره بالشهر
تكفون خواتي اتردون علي لاني بحط موعد بالعياده هالاسبوع وا ابيهم ينهبوني بالفلوس
اشلونكم حبيباتي
انا سمعت وايد بالتلفزيون وبعض الناس يمدحون في ابر الميزوثيرابي قالو انها اتضعف...
انا عندي معلومات بسيطه عنها .. لاني فكرت بعد ولادتي اني اسويها وسألت عنها دكتورة جلدية مش اخصائية تجميل فقالت ما يلي :) :
1- الحامل والمرضع ما يعطونهم الابر هذي .. تستنى لحد ما تولد او توقف رضاعه بعدين نعطيها.
2- الابر يبيلها جلسات يعني ابره كل اسبوع - 10 ايام ( وليس اقل عشان ما يزيد تركيز المادة المحقونة بالجسم ) .. بعدين تاخذ ابرة ثانيه في نفس المنطقة .. بعدين تستنى نفس الفترة الاولى بعدين تاخذ الابرة مره ثالثة وهكذا ..
3- طريقة وضعها .. انها تقسم المنطقة ( مثلا البطن ) الى مربعات .. يعني ترسم دائرة كبيرة تشمل المنطقة بعدين ترسم جواتها خطوط طولية وعرضية بحيث تكون مربعات .. مساحة كل مربع 2 سم مربع .. وكل مربع ياخذ جرعه من الابرة ..
4- الحين نجي للمهم .. وشي المادة المحقونه؟؟؟؟ قالت لي (( الكاافيين )) يعني اللي بالقهوة والشاهي .. ولكن بمقدار مركز .. وهذا السبب اللي يخلي الواحد يجيه اررررق بعد ما ياخذها .. وزي ما قالت وحده من البنات هنا انها جاها ارق!
5- استجابة الجسم تختلف من شخص لشخص .. وتعود لعدة اسباب : العمر - كمية الدهون في المنطقة - استجابة الجسم.. وقالت فيه ناس تبين معهم النتيجة من الجلسة الاولى وما يحتاجون الا 3 جلسات وفيه ناس 6 وهكذا .. وسمعت دكتور في التلفزيون يقول ما نزيد عن 12 جلسة لان هذا معناه ان الجسم مو متقبل لووووووووووووووول.
6-قالت لازم تسوين رياضة البطن + دايت :eek:
7- الفرق بين الميزوثيرابي وال ( LPG ) ان الاول يذيب الدهون .. بينما الثاني يوزعها يعني ما تروح الدهون .. بس تتوزع فتعطي shape.
8- الدهون اللي حقنت تطلع من الجسم على شكل طاقة حرارية !! وهذا ما فهمته! وتقول يعني بتحسين بحرارة في المنطقة في الايام التي تلي الحقن ( اتعب عل الفصحى :hahaha: )
9- عشان الحرارة السابقة ينصح بالاكثار من شرب الماء ..
10- قبل ما تبدأ .. راح تعطيك بنج موضعي .. عاد مدري وش طريقته .. بس تقول بعد ما اعطيك نستنى نص ساعه بعدين نبدأ شغل .
امممم .. بس هذا اللي عندي .. احيانا اقول لنفسي بأكتفي برياضة البطن بس .. واحيانا اطمع بالبطن المشدووود بسرعه واقول بسويها .. بس تصدقون .. البطن من تحت لاااا يمكن - في اعتقادي - يروح بالرياضه فقط .. مهما طولتِ .. وهذا شي مجربته .. عشان كذا .. شكلنا بنسويها وننبسط :)
اتمنى اكون افدتكم .. دعوااااتكم يا رشيقات بتيسيير اموري :26: