مشكوره اختي تراث عريق بس انا ما اعرف استخدم الصفحات الصفراء ولا حتى اعرف فرنسي
ومب عارفه شو اسوي انا صح محتاجه اني ابيع الذهب بس زوجي لين الحين ما عرف اني كاتبه هالموضوع لانه قالي شلي من راسج فكرة انج اتبيعين الذهب بس انا ابصراحه ابغي ابيعهم لان صارت سالفه بيني وبين زوجي وقلتله اني ما ابغي اخذ منه ولا فلس وانا بصرف على عمري قالي كيف تقدرين تصرفين على عمرج قتله ببيع الذهب الي عندي وانا من صجي ابغي ابيعهم وهو على باله اني اسولف معاه ما ادري الحين كيف اصرف مع انه ايقولي شو تبغين او كم تبغين بس انا رافضه اني اخذ منه شي يعني سالفة اعناد بس بعد الموقف الي صار وخلاني اقول اني ما باخذ منه شي كان موقف بايخ وكريه عشان جذه انا قلتله هالكلام فما ادري اذا الحين اقدر ابيعهم ولا لا

على العموم جزى الله خير كل وحده ردت على الموضوع

اختي كنارية...يسر الله امرك حبيبتي.
انا عايشة بكندا مش بفرنسا ولكن اعتقد ان الصاغة يستخدمون نفس الاسلوب بالشراء..شوفي اختي مرة جربت ابيع ذهبي بوجود رسيت او عدمه ماياثر اذا كان نوعية الذهب خليجي او عربي لانهم يعرفون الصنع. المهم ذهبي كان ممتاز يعني 21 - 24 قيراط وماشاء الله كان كثير.. عرض البخيل مبلغ تافه حوالي 60 دولار يعني ماتجيب لك غير خاتمين فضه...واني متاكدة ماترضين بالبيع لاني حاكون اول واحدة بتنجن :30:
لكن جربي وضع اعلان في الجامع اي مسجد قريب لك ويحتوي على مواصفات الذهب والسعر وان امكن صور راح تشوفي اقبال ان شاء الله بس لاتخلين حد يشوفك وانتي تخلين الاعلان ليطاردوك بعيد الشر عنك, اولاد الحرام كثير.
اتمنى اكون افدتك عزيزتي .

شوفي حبيبتي كنارية
الحمد لله ما دام ما فيه ظروف قاهره
تعودي من ابليس وادكري الله
والله يهدي سرك انت وزوجك
ولا تخلين الشيطان يلعب فيك انتوا بديرة غريبة والمفروض تتكاتفون وتطنشون صغائر الامور
وصدقيني بتتندمين على الايام هدي ادا ما عرفت تستانسين فيها
صدقيني الغربة صحيح متعبة بس تقدرين تخلقين جو واسلوب حلو
استغلي فرصة وجودك مع زوجك بروحك وعيشوا ايام حلوة ما راح تلاقينها بردتك للبلاد لاختلاطنا بالاسرة والمعارف و..و..
صدقيني ماني حابه اسويلك محاضرة بس انا متاكدة انك اكبر من كدا وتقدرين تتخطين الامور الصغيرة وتحتفظين بدهبك الى اكيد كل قطعة فبه لها دكرى حلوه عندك مو بس في قيمتها المادية , وبعد تكسبين زوجك وتعيشتن معاه لحظات سعيدة
الفرصة بايديك لا تضيعينها
ادا بغيتي اي شي مالك الا تكتبين لي يا بالمنتدى او على الخاص
والله يوفقك ان شاء الله

أختي الكنارية أنا مع الأخوات home2004 وترات عريق في كل اللي قالوه وآستعيدي بالله من الشيطان الرجيم ولا تزيدي في عنادك أكثر لأنك راح تتعبي كثير ومشاكلك راح تكبر وتكبر وانتي في غنى عنها كفاية مشاكل الغربة والبعد عن الأهل

وأي مساعدة أنا في خدمتك سواءا على العام أو على الخاص والله يعينك أختي

اختي الغاليه بهراء
اشكرج على دعوتج الطيبه وعلى اقتراحج بس صعب الاقتراح علي لان فالمنطقه الي انا فيها ما عدنا مسجد قريب
وجزاج الله الف خير يالغاليه


الغاليه تراث عريق
والله كلامج عين العقل وانا مالي الازوجي الله ايخليه لي والله اني احاول اسعده بقدر ما اقدر بس مرات هو ايغايضني الله يهديه ويهدينا جميعاوحقيقه كلامج مثل العسل الله يسعدكم جميعا وي ازواجكموان شاء الله اني احاول استغل كل وقتنا بأشياء طيبه وجزاج الله الف خير


عزيزتي home2004 انا تقريبا نسيت الموضوع او احاول اني اتناساه بس مرات كلامه ايكون جارح وبايخ بس انا اعرف ان هذامب الي فقلبه لان قلبه طيب فالبدايه ايقول وبعدين يعتذر بس انا ابغيه يتأدب وما يكرر الكلام مره ثانيه
بس ان شاء الله احاول اتفق معاه على شي يرضينا نحنا الاثنين واهم شي يرضي رب العالمين
وجزاج الله كل خيريارب


حبيبتي omo manar والله انج ما قصرتي وان شاء الله راح اقلل من العناد مع اني سويت الشي هذا عشان اخليه ايعرف اني ممكن اصرف
بس الواحده شو بتقول غير الحمد لله على كل حال
وجزاج الله كل خير يالغاليه

والله يجعل ايامكم كلها راحه وسعاده ان شاء الله
وانا ما كتبت الموضوع الا لاني اعرف انكم بساعدوني سواء بلاماكن او بالكلام والنصايح الطيبه والحمد لله انكم ما قصرتو معايه وفعلا انكم نعم الخوات

الله يسعدكم ان شاء الله