مين جربت بانتكس المغذي للشعر؟؟/قديم

السلام عليكم حبيباتي،،
اول امبارح رحت الصيدليه اريد اشتري شغلات لشعري لاني بصراحه زهقت من كثرة التساقط وعدم نموه وجفاف اطرافه مع اني والله ما استخدم السيشوار الا فيما ندر..بس انا وايد حساسه ونفسياتي تتاثر بسرعه وحتى لو ضايقني شي وجهي يتغير ويصير لونه غامق وشعري ما شاء الله :09: ..جربت خلطات وزيوت وبصراحه ازهق وما اواصل وكله ما نفع..

المهم وصفتلي الصيدلانيه لوسيون للشعر مغذي اسمه بانتكس (pantex) مصنوع في القاهره للشعر الجاف وفي للدهني بعد، وبصراحه رخيص وايد وتحطينه على فروة الراس وشعرك جاف مره او مرتين في اليوم وتفركينها لمدة 5 دقايق وما تحتاجين تغسلينه تخلينه على الشعر ،،،

ووصفتلي معاه كريم من بالمرز اسمه (hair success) وقالتلي اخلطيه مع زيوت صانسيلك عشان تخففينه بيه وتشوفين نتيجه حلوه. وبصراحه بديت من نفس اليوم بالليل واليوم امشط شعري الصبح اشوف شعره واحد بس في المشط بصراحه ما صدقت فرحت جدا جدا وبواصل عليهم وانشالله شعري يطول.. وعقبالكم حبيباتي..:)

(اللهم صلي على محمد وعلى آله وسلم)