الله يجزاها كل خير اللي تساعدني
شريت هذا الجهاز من بريطانيا عن طريق وحدة
وما جاني على سيرة ويوم وصل انقطعت مع هذيك المخلوقة
ولا اعرف كيف استخدمه ورحت للصيدلية اللي بمجمع العرب نفسها في بريطانيا ما عرفوله
والكاتلوج بالانجليزي وصعب الترجمة
اللي استخدمته ياليت تدلني على الطريقة والله يسخر لها ملائكة الارض والسماء
بس شفت مقاطع له ف اليوتيوب يوم كنت ابحث عن اجهزة الليزر..
بالنسبة لكيفية الاستخدام, قريت كتيب الاستخدام, موجود في موقعهم باللغة الانجليزية..
وهذا الي فهمته:
التبيهات:
لايستخدم على البشرة بعد جلسات البروزناج -التان- حتى مرور 30 يوم
لايستخدم على البشرة التي تعرضت لاشعة الشمس المباشرة الا بعد 24 ساعه
لايستخدم على اماكن ادكن من لون البشرة العام مثل: الوحمات, الشامات, الثأليل, النمش, او الكلف
و في حال اضطررتي لمعالجه منطقه قريبه من شامة او وحمه.. إلخ.. غطي المنطقة بورق مقوى أبيض
لاستخدم على الحلمتين او الهالتين -ماحول الحلمتين-
لاستخدم على اماكن خياطه العمليات الجراحية
لاستخدم بعد جلسات التقشير العميق,
لاتستخدمينه فترة الدورة, ماعرف السبب بس يمكن نشاط البصيلة يكون اكبر؟
لاتمررين الجهاز على نفس المنطقة اكثر من مره خلال اسبوع واحد
الخلاصة, لاستخدم على البشرة الداكنه, اوكي؟
نجي لطريقة الاستخدام.. يقولون:
تاكدي من لون بشرتك مناسب للعلاج, غير داكن يعني
جربي على منطقه صغيره وانتظري 48 ساعه..
في حال عانيتي من حساسية, احمرار مستمر.. توقفي عن استعمال الجهاز
اذا مالاحظتي اي اعراض سلبيه, معناته الجهاز امن ان شاء الله..
التطبيق:
احلقي الشعر المستهدف او قصيه بمقص.. يمنع نزع الشعر بالحلاوة, الشمع او الملقاط
شغلي الجهاز, واضغي على زر لون البشرة:
لولاحظتي فيه ثلاث درجات:
Dark داكن
Med متوسط
Fair أبيض
اذا شاكه, اختاري الداكن لانه الاقل خطورة, اما الابيض فهو الاقوى والاخطر
هذي خطوة مهمه, وهذا سبب انهم حذروا من تمرير الجهاز على الوحمات وماشابهها, لان الجهاز خلاص تعرف على لون بشرتج الطبيعي, ورح يحرق اي لون اغمق
الحين, امسحي المنطقة المراد علاجها بجل التنشيط Activator Gel ولازم يكون مبرد في الثلاجه, متوفر مع الجهاز ولوخلص تحصلينه في الصيدليات الكبيرة مثل Boots
وهذي صورته:
المميز في الجل, انه يقلل الألم , وبعد يبين لج المناطق اللي عالجتيها..
لذا مهم جددددا انج تحطين الجل على منطقه منطقه وتكون مناطق صغيرة,,
لاتغطين كل الساق مثلا..
علشان تعرفين شو المنطقه الي سبق وعالجتيها..
بعدين اضغطي على زر Ready لمده ست ثواني لين ياشر الفلاش الاحمر..
اذا وقف الفلاش من الاشارة وصار الضوء متصل, معناته الجهاز جاهز للاستخدام
الحين قربي الجهاز من الجلد.. واذا تاكد الجهاز من ان البشرة قريبه وموقعه مناسب.. بياشر الفلاش الاحمر
حزتها اضغطي على الزر عشان يبدأ يشتغل الجهاز ويرسل ضوء الليزر
ثم انتقلي للمنطقه الاخري وهكذا..
وبس!
^.^
نصيحه,
استخدمي قلم كحل ابيض لتحديد المناطق, عشان لاتمررين الجهاز اكثر عن مره على نفس المنطقة..
هذي النصيحه من نفس الكتيب قريتها..
لاتحددين بقلم اسود او قلم سبورة.. لانه بيجذب ضوء الليزر ويسبب لج حروق..
اتمنى اني أفدتج,
دعوآتج بظهر الغيب لي ولأبوي بالشفاء من الاكزيمآآ
ألميرآ