مين جربت زيت الصبارال

حبيبتي انا انصحك نصيحة لوجه الله وارجو ان تتقبليها بصدر رحب وهاقولك الحكاية
انا كنت رايحة صيدلية علشان اشتري زيت لشعر بناتي واحدة منهم سنتين والتانيه 4 سنوات
وقلت للدكتورة بتاعة الصيدلية هاتيلي احسن زيت شعر للاطفال عندك وسألت عن سن البنات
واول ماعرفت سن البنات رفضت رفضا باتا ان تعطيني الزيت وقالتلي ممونع نهائيا انك
تستعملي زيت للاطفال اقل من 6 سنوات لان الزيت بيسد مسام الفروة وهما لسه فروتهم
ضعيفة وماتستحملش الزيت وكمان الشعر في الفترة دي بيتغير وتتغير طبيعته كتير علشان
كده ماينفعش نستعمل زيت علشان مانسدش المسام وشعرهم يقع .
قلتلها اعمل ايه ؟
قالتلي اغسلي شعرهم بالشامبو وسرحيه من غير زيت وخلاص وشعرهم هايتعود علي عدم وجود زيت
ولما يوصلوا لسن 6 سنوات ابقي حطي ليهم زيت ونصحتني بزيت جونسون للاطفال وقالتلي ده الشامبو
الوحيد اللي بيحتوي علي اقل كميه من المواد الكيماوية.والشامبو ده انا نصحتني بيه دكتورة جلدية رحت لها
علشان اكشف علي شعري انا وقالتلي احسن شامبو للشعر للكبار والضغار جونسون .
وعملت كده وبصراحة شعر بنتي الصغيرة ماكنش بيطول ولما بطلت الزيت لاحظت انه طول شوية
والحمد لله علشان لسه صغنونة مافيش جفاف اوي .
اما بنتي الكبيرة فاحيانا شعرها ينفش شوية فباروح احط لها مسحة خفييييييييفة جدا من زيت الزيتون
لانه هو اللي عندي حاليا بس انا ناوية اجيب زيت الفازلين ، ومن فوق لفوق علشان ما يوصلش للفروة ابدا .
انا حبيت اقول لك تجربتي وارجو انك ماتزعليش مني
وانا والله لو اقدر اقول لكل الامهات علي المعلومة دي كنت قلتهالهم لاني باخاف علي اي بنت صغيرة
زي بناتي بالضبط .
وربنا معانا جميعا ويحسن شعرنا وشعر بناتنا اجمعين
اسفة علي الاطالة
دمتي بود

حبيبتي بوكا جزاك الله كل خير على النصيحه
لكن من كناصغارو امهاتنا يستعملوه لنا واشوف الي حولي مايتركوه وشعور بناتهم ماشاء الله تهبل