مين جربت علاجات الداية هيفاء الاندونيسية بجدة تتفضل تفيدني

السلام عليكم ورحمة الله وبركاته


كيف الحال حبيباتي ....

انا والدة لي اسبوع والحمد لله جبت بنوتة حلوة يارب يحفظها هي واخوانها لي ولابوهم يارب

المهم تعبت مرة في الولادة وجلست في المستشفى 3 ايام وخرجت ولله الحمد

اخدت رقم داية اسمها هيفاء من موضوع لاحدى الاخوات ما اذكر اسمها كان عن الدايات وكانت حاطة ارقام عدد من الدايات في اكثر من بلد

وكثير اجمعوا على ان الداية هيفاء الاندونيسية ممتازة وهي تجي في البيت تعمل تمريخ للوالدة

المهم اتصلت بها وفعلا لها 3 ايام بتجيني في البيت تمرخني بس وتربطلي بطني بالرباط الاندونيسي

الحق انا مرة ارتحت لمروخها وظهري ورجولي اللي كانوا تاعبيني خف الالم بنسبة كبيرة ولله الحمد

المهم ... هي تقول ان عندها اعشاب تتشرب وتنفع للوالدة وترجعها بنت وتشد الرحم وتقويه

الحقيقة انا خايفة اخد اعشاب منها ما اعرفها اخاف يكون فيها شبه او عفص وتنفعني فترة وبعدين تضرني

وتقول عندها صابونة وحدة حمراء ودي تستعمل قبل اللقاء مع الزوج والثانية خضراء ودي تستعمل يوميا وتمدحهم كثير

فالاخوات اللي جربوا ادويتها وافادتهم وما ضرتهم تقولي لانها حتجيني كمان 4 ايام تمرخني

علما بان اسعارها مرة غالية ومو رخيصة

ارجوكم افيدوني جزاكم الله خيرا



دمتم بود