مين جربت غساله المواعين

تمنيت اني افيدك بس انا مثلك واذا سالت احد جلس يضحك علي يقولي وشغلك غسلي المواعين انتي

ياقلبي عندي إل جي ومريحه وسعرها أظن أظن ٢٤٠٠ وعيوبها يعني الحمدلله بارك الله ماشيه زين وأغراضها من التميمي كارفور بنده السدحان يعن سوبر ماركت كبيره شوي وانا سويت لها تميديد المويه من الحنفيه تبع المجلى والتصريف مع المجلى بعد

يا حبيبتي زوجات اخواني عندهم عغسالات مواعين وكلهم يمدحونها بس احسن شي انك تملينها مواعينلانها تصرف مويه كثير وما تحطين فيها الا المواعين الأصليه يعني القدور ما تحطينها و الطوافير (صينيه الشاي و القهوه) الي تجي معدن وصياني الكيك المعدن برضو ما تحطينها بس والله انها حلوه وتفكك من الازمات

ياحبيبتي اذا انت مقتنعة توكلي على الله
بصراحة تشيل عنك نص الشغل ماشاء الله
اغراضها من اي سوبر ماركت..وتنظيفها ممتاز الحمد لله على هالنعمة
والله يوفقك

اختي انا عندي ويربول والحمدلله مريحتني عالاخر وتحسفت اني ما شريتها من زمان ... لاني كنت متخوفه منها وخوفوني بعض البنات لكن الحمد لله اني شريتها ... اخذتها ب2700 ... الملمع والصابون تلقينه بكل سوبرماركت اما الملح عند التميمي تلقينه .. الملمع اخذته 20ريال ويبقى معك فترة طويله والصابون والملح ما تتعدى العشرين ريال ... يعني رخيصه منظفاتها ... اما تركيبها والله سهل جبنا حيا الله عامل بس طلع ماسورة من عند السخان ...وبس والباقي انا ركبته من الكتيب اللي معه ومن بنات حوا .. ومالها عيوب ... لكن نصيحه اذا شريتها لا تتضايقين اذا ما ضبطت معك لا عادي حاولي فيها لين تتفاهمون ... ترى ما يبيلها ...