مين جربت فصل الأجنه لتحديد جنس الجنين؟؟

خواااااتي عاااالماااااات حوااااء
أنا عندي سؤااااال واتمنى منكم تجاوبوني عليه بكل صراحه اما من ناحيه تجربه او سمعتي أحد سواها بالله تفيدوني وش تنصحووني أسوي..
أنا عمري 30 سنه وعندي خمس بناااااااات طبعا كلهم بعمليات قيصريه مابينهم غير سنه او سنتين .. من البنت الثانيه وانا أحلم أجيب ولد بس ربي ماكتب خصوصا أن زوجي عنده ضعف شديد بالسائل المنوي وانا أجاني فيروس معدي بعنق الرحم فنصحتني الدكتوراه أني مااستخدك اي مانع اذا انا ودي بولد بعد بنتي الرابعه قالتلي لاتحملي ثاني خلااااص ربي مو كاتبلك أنا أصريت عليها قاااااال لاتجربي طبيعي لان زوجك عنده ضعف واحتمال مايكون عنده حيوانات ذكريه كافيه .. رحت الحبيب وسوى زوجي فحص وفعلا لقوا الحيوانات الذكريه قليله مره وقاله الامل بالله انت جرب وشوف طبعا هم قالولنا على اطفال الأنابيب بالبدايه بس زوجي قال خلينا نجرب تلقيح صناعي وهنا يسون غربله ونسبه النجاح 70 % المهم بعد اليوم المقرر واعطاهم زوجي العينه الدكتور جاااني وانصدمت الصراحه قالي نتيجه الغربله مو مره كويسه 60 % بس ممكن تفيد.. توكلت انا وزوجي وقررنا نسويها وقلت اذا ماصار حمل المره الجاه بسوي أطفال انابيب زوجي وافق يوم شافني مصره .. سويت التلقيح ونجح من أول مرررررره سبحان الله يابنااات رب كاتب لي البنت الخامسه وبولدها بعد شهريييييين.. أنا ماعندي اعتراض ولا شي والله البنات هذولي كل وحده أغلى من الثانيه ونحبهم انا وابوهم بس الأنسان يسعى طبعا أنا قررت اسوي فصل أجنه على وعسى ربي يكرمني بولدين مره وحده ويفرح قلبي انا وابوهم.. لاتنسون ان حالتي الصحيه لاتسمح لي بالأنتظار لأن الفيروس ممكن ينشط باي لحظه وماعاد اقدر أحمل عشااااان كذا انا مستعجله.. ابو الشباب يقوووول خلااااص توكلي على ربك ونربي بناتنا وفيهم خير وبركه ماله داعي تتعبني نفسك بشي ربي مو كاتبه لنا..
تكفوووووون بنااااااات لاتيجون وتتفلسفووووون علي وتقولون البنت أحسن من الولد وغيره من الكلام اللي يوم اقراه في عالم حواء يضيق صدري .. أنا طلبت نصيحه منكم ولاتخذولني سمعتوا او جربتوا فصل الأجنه وجاكم اولاد طبعا بعد مشيئه رب العالمين وهل حالتنا الصحيه تفيد معها ولا لأ خصوصا انو هاي راح تكون اخر تجربه؟؟:39: