مين جربت مستشفى المواساه بالرياض بالولادة أو تعرف فيه دكتورة

هلا اختي الغالية .. الله يسهلك امرك

بصراحة انا ماجربت المستشفى هذي بس البنات في المنتدى ابدا ما يمدحوها .. وخاصة فرع الرياض ما ادري عن الدمام ..

انا سمعت انهم يولدونك قيصرية حتى لو انتي مو محتاجة علشان الفلوس

وسمعت نقلا عن احد بنات المندى ان وحدة اخذت عندهم ابرة ظهر وانشلت الله يشفيها ويكفينا الشر ..

اختي انا بغيت انصحك .. والله يتمم لك على خير

اختي فيه موضوع منزل قبل فتره والظاهر ان عنوانه
مأساه حصلت في مستشفى المواساه 00
والاغلب ما يمدحون فيه 00
ووحده كاتبه ان وحده لها 8 شهور والده عندهم وماخذه ابرة الظهر وجاها شلل 0
ومشاكله كثيره 0


مو دليل اذا انتي متعوده على اللي بالشرقيه يكون هذا نفس الخدمات لان كل مدينه تختلف بطاقمها 0
فلآفضل تروحين مستشفى هنا معروف ومجرب 0


وانا بحاول احط لك الروابط 0
واللله يكتب لك اللي فيه الخير 0

http://forum.hawaaworld.com/showthread.php?t=291340

هذا هو الرابط 0
واتمنى انه يفيدك 0

الأخوات اللي مروا على موضوعي و افادوني الف شكر لكم

الله يفرج عليكم كل شدة و ضيق ويزيل عنكم كل هم يارب العالمين .


أختي ريماز قرأت الرابط مشكورة جدا ... شكلي برجع للحمادي لأني ولدت فيه طبيعي و الحمد لله ...

لكن مشكلة المستشفيات اللي فيها ازمة .. لما الوحدة تروح وهي في حالة ولادة لكن لسا باقيلها كم ساعة ما ينتظروا ابدا على طول طلق صناعي و ضغط على الأم المهم الدكتورة حضرتها تخلص و تروح لزباينها ... هذا اللي كرهني في الحمادي اخر مرة ..

الله يعين و يفرج الامور .