هلا اختي انا فهمت عليك لاني سويت زيك بالضبط انا دايم عندي جمعات وعزايم وغير رمضان تعرفين المطابخ تنكرف صح سبحان الله ولذلك سويت مطبخ عادي مو مفتوح للطبخ العادي هذا وفيه كل اجهزتي ومواعيني وجنبه مستودع اصغر طبعاً بيكون للثلاجه والفريزر وبحط فيه فرني القديم بيكون هذا للقلي وغثا العزايم لما يكون عندي ضغط بالمطبخ وطبعاً اثنينها مجهزتهم بشفاطات وفلاتر للسحب وشبابيك تهويه ....الله يوفقك يارب

مطبخ مفتوح للشكل طبعا
وجنبه مطبخ نفس المساحة للطبخ وغسيل المواعين وفيه دولاب تخزين هذه الفكره
بسأل احد مسويها وهل هي عمليه وتريح

مااتوقعت انكم ماتفهمون علي
كثرة التفكير تهلك ويلخبط
مشكورين الي قالو اخليه مطبخ ومستودع انا ماأحب كذا انا مو مهم عندي الريحه اهم شي الشكل يكون فخم

فكرة المطبخ للقلي والطبخ عموماً تكشين وتسبيك وكله كويسة جداً للي عندهم خدامة
واللي ماعندهم برضه مناسب بس أحس أنك تصدين عن البيت إذا دخلتي هالمطبخ
وهذا الشين فيه
أنا في بيتي الأول كنت حاطة مطبخ للطبخ والفريزرات وثلاجة ااخضار والحوسة عشان الشغالة
وعليه باب أقفله ووالشغالة غرفتها جنب المطبخ حق القلي تطلع لها من باب الحوش صاير لها جناح خلف السور كله غرفة ومكان للغسيل حقها ونشر وتجلس فيه إذا بغت

وحاطة مطبخ لي أنا وبناتي وحاطة فيه كل شي من الغالي :)ومطبخي
من غير باب والجهة اللي على الصالة حاطة فتحة زي الشباك الكبير
بزجاج بس تشوفين الصالة ويشوفون بس بينكم زجاج
والجزء هذا في المطبخ حاطة جنبه جلسة حلوة بطاولة للفطور شاي الصباح أو الظهر
وجبات سناك للصغار وأي شي
المهم الكلام هذا كان كله تخطيط وما كتب الله نكمله لأنه بعنا البيت جتنا فيه عين قطو :(




هدووءالليل

عضوة مميزة



تاريخ التسجيل: 20-01-1428 هـ
المشاركات: 6,000

شوفي يا قلبي
اللي تحسين أنه يناسبك سويه بس حطي كل الأعتبارات وأحسبي كل المزايا والعيوب والإيجابيات والسلبيات
عشان ماتتحسفين
بس نصيحة المواد الغذائية تبعدينها عن المكان الخاص بالطبخ خاصة أنه صغير فالمكان راح يكون فيه حرارة
تؤثر على المواد الغذائية
وبرضه الفريزرات في مكان صغير راح ترفع لك حرارة المكان وقت الطبخ
وهي ترتفع حرارتها برضه فراح برضه تتأثر وتضعف طاقتها
لأن الثلاجات تحتاج مكان فيه تهوية عشان تشتغل بكل طاقتها
وخلي ببالك أنه إذا مافي خادمة أنك راح تنحبسين طول وقت الطبخ في المكان الصغير
وتصدين عن البيت
فشوفي اللي يناسبك وممكن تحطين لك باب على الحوش وتسوين لك جزء مظلل وحطي فيه
طاولة وفرن صغير أو حتى يكون عندك العيون الكهرباء ووقت ماتبغين تطبخين شي
فيه ريحة أو قلي سمك
وغيره إطلعي برا في الهواء الطلق رووووعة
ومطبخك يبقى كبير وتاخذين راحتك فيه
وبقية الطبخ العادي صدقيني لو جهزت تكشينات كميات كبيرة ووزعتيها بالفريزر حسب حاجتم راح
ترتاحين من ريحة الحمس في البيت أرجعي لردودي راح تلاقين فيها نصايح كثير