مين جربت منتجات اوفيليم

السلام عليكم و رحمة الله و بركاته

اهلا اختي كهرمان، غالية و الطلب رخيص يا قمر

شوفي انا جربت تقريبا كل عطورهم و حاقولك على اللي عجبوني جدا

أولا العطور التقيلة للشتاء:

Believe و ده خدي منه العطر و كريم الجسم و الاسبراي، روعة و مناسب جدا للشتاء، لكن للصيف لاااااااااا لانه بيكون تقيل و مزعج جدا لكن بالشتاء بيكون رائع و كلامي عن تجربة

Giordani Gold خدي منه العطر و الاسبراي و كريم الجسم (روعة روعة روعة) و زيت الاستحمام

ثانيا العطور المناسبة للصيف:

Midsummer خدي منه اسبراي و عطر و تقريبا له شاور جل او زيت استحمام (انا عندي العطر و الاسبراي لكن مش جبت التالت ده لسه)

Divineخدي منه العطر و الاسبراي و كريم الجسم

Elvie خدي منه العطر و الاسبراي و كريم الجسم

Volare خدي منه العطر و الاسبراي و كريم الجسم

Serene خدي منه العطر و الاسبراي و كريم الجسم

Freya خدي منه العطر و الاسبراي و كريم الجسم و الشاور جل (تقريبا الوحيد من المجموعة دي اللي معاه شاور جل)

بأمانة كلهم روعة و جربتهم و موجودين عندي، الميزة في كريم الجسم المعطر انك ممكن تحطيه لوحده و ريحتط بتكون هايلة غير انه بيرطب الجسم و يخلي ملمسه ناعم جدا

يتبع

بالنسبة لمجموعات الحمام بقى، انا فيه مجموعتين باموت فيهم و باستعملهم:

Milk & Honey و دي صابونة + شاور جل + شاور كريم (زي الشاور جل تقريبا) + لوشن + كريم معطر 250 مل

بصراحة ريحتها جميلة و باحبها بس لما استخدم الشاور جل مستخدمش معاه الشاور كريم لانهم نفس الفكرة، و لما اشتخدم اللوشن استغنى عن كريم الجسم، يعني انتي بدلي بينهم براحتك

Rose و دي شاور جل + زيت للحمام + كريم معطر + بودي سبلاش

و ريحتها طبعا ريحة الورد و برضه دي روعة و انا باستخدمها بالتناوب مع المجموعة التانية، و احيانا و انا خارجة الصبح ادهن جسمي من الكريم بتبقى ريحتي فريش و جميلة

في كمان عندهم صابونة سكراب بس لسة مجربتهاش لكن جربت السكراب في انبوب طويل و لقيته حلو و ينعم الجسم جدا

عموما انا باموت في اوريفليم و منتجاتها و عندي حاجات كتير اوي منها، لو عندك سؤال عن اي حاجة تاني قوليلي

و يا رب اكون نفعتك بمعلوماتي

تحياتي

تسلمي يالغاليه

ومشكوووووره

انا عجبتني مجموعه الجسم الحرير بالحليب حسيتها حلوه ومحتاره اطلبها اولا؟؟؟

كمان الاساس حقهم حلو ولا لا؟؟؟؟

وكمان الارواج

والف شكر لك

السلام عليكم و رحمة الله و بركاته

أختي الغالية كهرمان

اسفة و الله اني اتأخرت عليكي في الرد بس كان لي فترة مدخلتش المنتدى

انتي تقصدي اي مجموعة للجسم؟؟؟ اللي اسمها Silk و الا Milk & Honey?? عموما أي مجموعة منهم جميلة و حلوة لان روايحهم جميلة و في نفس الوقت بيعطوا النعومة المطلوبة. يعني اطلبي أي واحدة فيهم بدون تردد و شوفي اللي تعجبك ايه

بالنسبة للاساس بتاعهم انا مجربتوش بصراحة لان عندي من بورجوا و من اركانسيل و منتظرة اخلصهم قبل ما اجيب جديد

الارواج الوانها ناعمة و حلوة بس المشكلة ان اللون في الكتالوج غير اللون الحقيقي. انا جربت من نوع Hydra ده ناعم اوي عالشفايف بس مش فاكرة رقمه بصراحة لكنه روز فاتح اوي. همة الوانهم تقريبا خفيفة بس برضه لازم تشوفيها بنفسك

اعتذر مرة تانية على التأخير في الرد، و لو عندك اي استفسار تاني اتفضلي احنا اخوات

تحياتي