مين جربت هذا الوحم .... قصدي هذا الوهم؟؟

حبيباتي ... أنا والحمدلله من فتره مستمرة على الرقية الشرعية والإستغفار وشرب الأناناس والحمدلله أنتظمت علي الدورة الشهر اللي فات وفرحت مرة وقلت بواصل ***** الله ... وواصلت بفضل الله ..
وهذا الشهر تأخرت الدورة عن موعدها وحسيت بأعراض غريبة مثل الالام الظهر وغثيان الصباح وتورم الصدر ونغزات أسفل البطن والم على السرة وأتردد كثيراً على الحمام أعزكم الله .. وكل ماتزيد هذه الأعراض أفرح وأقول ***** الله جنيني برحمي والحمدلله بس قلت مانيب مستعجلة على التحليل ... وطول هالفترة أحسب لنفسي شهور الحمل وموعد ولادتي وحتى اني هوجست بنفاسي عند أهلي حتى طقم النفاس حددته ببالي وملابس الحمل واسم المولود أو المولودة ..
وبعد تأخر الدورة بعشر أيام جبت التحليل المنزلي وسويته وأنا خايفة مررررررررررره الصباح بعد صلاة الفجر ..
وطلعت النتيجة













خط واحـــــــــــــــــــــــــــــــــــــــــــــــــــــــد:mad:
وتركت التحليل ربع ساعة قلت يمكن يطلع خط خفيف ثاني بس للأسف أنحولت عيوني وانا أدور الخط الخفيف :icon33:
قلت ايه شكلي زي أختي وعمتنا ماطلعت النتيجة بالتحليل المنزلي وطلعت بتحليل الدم وقلت بعد فترة بحلل دم وزوجي قال يابنت الناس مافيك حمل ؟؟؟؟؟؟؟؟؟؟؟؟
قلت ماتدري الله كريم قال نعم بالله بس انت تتوهمين ..وصحت وصحت وصحت لمين قضت دموعي وصدع راسي ونمت ومن بكره سافرت لأهلي بالقصيم ونزلت علي الدورة عند أهلي بعد ماقربت تكمل 40 يوم والحمدلله على كل حال ....
بس بغيت أسالكم ؟؟؟
أحد مر بالوحم الوهمي هذا ؟؟؟؟؟
لان دكتورة تقول أن هذا شي نفسي من كثر ماتتمنين الحمل تحسين بهالأعراض :44:
وهذا يسمى وهـــــــــــــــــــــــــــــــــــــــــــــم وليس وحـــــــــــــــــــــــــــــــــم ؟؟؟؟:09:
الله كريم الله كريم الله كريم الله يعوضني عماقريب بإذنه تعالى ويفرح قلبي وقلوبكم بالذرية الصالحة التامة السليمة ..
على فكرة كتبت قصيدة بهالمناسبة لأني شويعرة ولست شاعرة يعني إذا ضاق صدري كتبت أبيات بسيطة تريح نفسي :27:
مطلعها يقول
متى على الله يصبح الخط خطين ؟؟
اذا ودكم أكملها لكم بشوف ردودكم عشان أتحمس وأنصب نفسي شاعرة حواء كخخخخخخخخخخ ناصر الفراعنة على غفلة ؟؟؟؟؟؟؟؟؟؟؟:arb:
حبيباتي دعواتكم الحلوة لي ...