مين حملت بتوائم

السلام عليكم ورحمة الله وبركاته

بنات الله يخليكم ابغى اعرف في اي شهر يبان اذا حامل بتوأم ولا لا

انا قبل ماحمل كانت تجيني الاااام فضيعه بالجنب وكشفت عند دكتوره قالت ماشاءالله المبايض عندك فل وممتازه واحتمال90 % تحملي بتوأم

انا قلت بيني وبين نفسي الله لا يقولها

طبعا ماقلت لزوجي لاني ادري انه يحب الاطفال واذا درى رح يحملني

المهم رجعت البيت ولما جا الليل السي سيد مصمم يبي النوم وانا رافضه وبعدها اشترطت يكون في عازل يعني لبرا

بس مدري شلون صار وسوى لداخل المهبل قمت بسرعه غسلت بغسول
والله اني كنت خايفه من الحمل اكبر عيالي 5 سنوات واصغرهم سنه ونص والثاني 3 سنوات


شاء الله اني حملت قدر الله وماشاء فعل

تاخرت الدوره 5 ايام حللت طلع حمل بس مابان شي بالجهاز حتى الكيس مافي ولما صار حملي عمره 5 اسابيع رحت وقالت ان الكيس يبين والجنين صغييير مايبان كثير بس بخبرتها ورتني شي صغير ينبض قلت لها جنين واحد ؟؟ قالت مايبان اذا واحد او 2 الا اذا خلصتي الشهر الثاني مدري كلامها صحيح ولا لا او تعالي الاسبوع الثاني يكون وضح الجنين اكثر ويبان اذا واحد او 2 خرعتني 😢

ومن الخوف مابي اروح مره ثانيه اخاف انصدم

للعلم كانت اخر دورتي التاريخ 6 شهر 1 ميلادي واغتسلت التاريخ 11

الايام من بعد الدوره نستخدم عازل لين تاريخ 24 من شهر 1عياا يسوي عازل مدري وش طرى بباله حسبي الله على الشيطان

نفس اليوم اللي رحت الدكتوره وبعد هذا الايام صار كله بعازل الا يوم وحده او يومين بعد ماتاخرت علي الدوره

المهم رحت لعند الدكتوره تاريخ 28 شهر 2 ميلادي تقول ان لي شهر ونص بس على حسابي كان وقتها شهر واسبوع

مدري هي شلون حاسبتها مع اني متأكدة لان ماحصل من غير عازل الا تاريخ 24 شهر 1

ووحامي زفتتتتت هالمره غييير بعيالي الثلاث كنت ماحس اني حامل ابداااا بنتين وولد خايفه اكون حامل بتوام والله رح انحن

متى يبان اذا في توام ولا واحد وهل كلام الدكتوره صحيح ؟؟

انا من بكره بدخل الثالث ومابغى اروح الدكتوره الحين


ريحوني الله يريحكم

دعواتي لكم

" عدلت موضوعي عشان اختصر شوي "