مين حملت خارج الرحم ثم حملت مرة أخرى!

السلام عليكم ورحمة الله وبركاته
عايزة افضفض معاكم لأني حزينة جدا ومش لاقية حد أقوله الكلام دا، بخاف اتفهم غلط ولو اتفهمت صح بلاقي كلام كله مواعظ وأنا عارفة كل نعم ربنا وبحمده عليها عارفة كل حاجة ممكن تتقال لكن مش قادرة أمنع حزني ولا قلقي 😔🥺😢
أنا متزوجة من ٥ سنين ومعايا طفل حملت فيه بعد الزواج على طول الحمدلله ربنا يديمها نعمة وفرحت أوي افتكرت إني هكون من الناس اللي بتحمل بسرعة لأني كان نفسي يكون عندي أطفال كتير وقولت اول ما افطم هسعيي للحمل تاني بإذن الله
عمري ماركبت وسيلة بخاف منهم وسبحان الله من عند ربنا محملتش خلال الرضاعة سنتين
بعد مافطمت خدت دوا للبن وحملت على طول فرحت اكتر واكتر وقولت الحمدلله بس ربنا مقدرش واجهضت بعد شهر ونص ومن الوقت دا دخل الحزن لقلبي معرفش ليه قلق وتوتر طول الوقت
لحد بعد الإجهاض ب ٨ شهور جالي ألم فظييييع لايطاااااق وبعد الفحوصات طلع حمل عمره شهرين خارج الرحم عملت العملية وشيلت واحدة من قنوات فالوب
ومن ساعة العملية دي وانا نفسيتي متدمرة
طول الوقت بفكر ف الحمل بشكل فظيع
ياترى هحمل تاني ولا لل
طب اتاخرت ليه كدا العملية عدا عليها اكتر من سنة
لما بكشف بيقولولي متاخرتيش وحملتي ٣ مرات قبل كدا يبقى انتي كويسة
بس انا حزينة حزينة أوي
كان نفسي أوي ولادي يكونوا قريبين لبعض ف العمر
طفلي طول الوقت عنده ملل وبيحب الأطفال أوي كان نفسي يكون ليه أخ أو أخت قريبين
قبل الجواز كنت بقعد اقول إن شاء الله كل طفل يكون أكبر من اخوه بسنتين عشان يبقوا صحاب ويونسوا بعض
اللي حاوليا كلهم تقريباً معاهم طفلين أو ٣ ربنا يباركلهم يارب بس حاسة بضغط كبير على قلبي كل ما اتناسي واقول مش هفكر واتلهي شوية، واحدة تحمل ارجع افتكر كل حاجة واحس بالالم ف قلبي شديد وابكي ابكي مع نفسي
بقول يمكن ربنا غضبان عليا مش عارفة
مبشوفش رؤي حلوة زي الأول كلها كوابيس وصراعات
والادهي كل ماحد يسالني لسة مافيش حاجة ويدعيلي ف وشي بحس فعلاً بالنقص ساعتها وإني مش زي باقي الناس
وكلام الدكاترة اللي كله عبارة عن انتي فرصك ف الحمل بقت النص لأنك بقناة واحدة بياكدلي إني اصبح ينقصني شيئ كبير
الحمدلله على كل حال وعلى قدر ربنا
الشيطان بيدخلي كتير وانا حزينة وبيحزني أكتر واكتر
نفسيتي ضعيفة جدآ وهشة ومبستحملش
رغم ان يومي مشغول وبقرأ وبذاكر لكن بالي مشغول بالحمل وباني مبقتش سليمة زي زمان
يارب ربنا يغفرلي مش قصدي اعترض على قضاء ربنا لكن الحزن غصب عني
شكرآ لأي حد سمعني وحس بيا... ولو حد عنده حاجة فيها أمل يحكيهالي تخفف عني شوية
أو لو مر بتجربة زي تجربتي..