مين حملت فيكم بسن فوق الثلاثين وبعد استراحة من الحمل 6سنين؟؟محتارة ومكتئبة وخايفه

حبيبتي سلامتك من الكآبة
بس يمكن كتر تفكيرك بالموضوع مخليك تخافي هالقد الشغلة مو بهالصعوبة ولا ما كنتي شفتي الناس لهلا بتحمل و بتولد
لا تقولي مو حاسين في انا يا اختي حملت على توأم و عمرهم 7 شهور و عارفة اللي بستناني من قلة نوم و تعب و سهر بس بقول اللي عليك عليك .. بجيبهم ورا بعض و برتاح
و عمرك مو كبير ابدا .. الناس بعد الاربعين بتبدا تفكر بالتشوهات و هالحكي .. طبعا مو اني بشجع الحمل على كبر بس انت مو كبيرة فعلا .. و يمكن الفترة الطويلة اللي ارتحتيها خليتك تخافي اكتر و هاد شفته باللي حولي كتير
و ما بتعرفي يمن ربنا يعطيك طفل هني و هادي ما تحكمي انه كلهم يكونو نكدين يمكن انت عشان ورا بعض نفسيتك كانت مأثرة عليك و عليهم و خلتك تحسي بالعذاب
توكلي على ربنا و استخيري مرة و تنتين و عشرة .. و تأكدي ساعتها انه ربنا ما رح يكتبلك الا الخير
موفقة يا رب

أختي توك صغيرة أنا عندي جارتي أتزوجت علي كبر الحين بدش ال50 وصحتها جيده وأطفالها ماعندهم مشاكل وصحتهم جيده وبتولد هاليومين وجنينها بخير لآنهم يتبعونها طول الحمل عشان سنها كبير وكل أمورها أوكيه أتكلي علي الله

مرررررررررررررررررررررحبا ليه خايفه عادي انا عمري 33 وحامل ومو شايفه اي مشاكل الحمد لله وابني الاخير عمره 6 سنوات ومي وخالاتي احلئ خلفه كانت بعد الاربعين

وسعي صدرك أختي وماتشوفين إلا العافيه إن شاء الله
ويرزقك بالذريه الصالحه العافيه المتعافيه وإتركي عنك الكآبه وكثرة الوسواس من الشيطان تعوذي منه وتوك صغيره والله يدبر الصالح من أمره ولا تتركين نفسك تحت سيطرة الأفكار اللي ماتجيب فايده إتكلي على ربك وماراح يخيبك وأكثري من الدعاء والإستغفار وأكثر الحريم أعرفهم في نهاية الأربعينات وماشاء الله تبارك الله يحملون ويولدون بعد إذن رب العالمين مافيهم خلاف تابعي الدكتوره والإستشارات الطبيه وطمنينا عنك :)

حبيبتي عنجد شكرا الك كتير بس فعلا يمكن اول كلمة حكيتها ما حد حاسس فيي لانه انا والله تعبت معهم المصيبة ما بناموووووووو وكنت احتار كيف يلي بتخلف توم بس انتي ما شاء الله عليكي والله بترفعي المعنويات كانك ربيتي ثلاث توائم تبارك الله...... وانا غير هيك تصوري سنة كاملة وانا اخد علاج الكابة لانه فقدت طعم الحياة كليااااااا كنت احس حالي مجرد انسان موجود ليحفض ويرضع وينظف ويطعمي لانه ما كنت حتى اقدر اروح فيهم مكان ولوووو لخدتهم كانوا يلي حولي يزعلوا وينزعجو فتصوري اعدت حبيسة البيت كم سنة؟؟؟




المصيبة كلام النسوان والاشاعات انه سن الانجاب ببلش يخوف من عمر 34 سنة وانا من النوع يلي بخاف كتير وبتوسوس... حتى الدكتوره ضحكت علي لما حكيتلها خايفه من هاد الحمل يلي للاسف ما اكتمل وحكتلي لو تشوفي عمر يلي بيجوني شو بتحكي؟؟!!
بس عنجد 50 سنة والها نفس تحمل؟؟ ماشاء الله عليها



هلاااااااا فيكي اختي يعني شايفه كيف انا موسوسة زي ما بحكيلكم وخواففففففففففه

الله يخليكم يارب ويريح بالكم