مين حملت من أجنة مجمدة ؟!

السلام عليكم ورحمة الله وبركاته
شلونكم اخواتي عساكم بخير وعافيه اختكم هدى متابعه قديمة للمنتدى من سنين بس هاذي اول مره اكتب واشارك ... انا ليا ٩ سنين متزوجة وماصار حمل سويت قبل ٦ سنين حقن مجهري وربي ماقدر لي الحمل الحمدلله على كل حال وكل الفحوصات حقتي وحق زوجي سليمه لكن قدر الله ماصار حمل كل هالسنين ... والحين انا سويت عملية انابيب واليوم كان اول يوم ترجيع الأجنة كانوا اثنين درجتهم وسط ... كان المفروض يكون الترجيع بعد السحب بأيام لكن طلع بالسونار مشكله بالرحم مدري شنو يسمونه لحميه ولا قرحة المهم كتله وطلعت كبيره نوعا ما وقالت الدكتورة ان يمكن بسبب ابر التنشيط طلعت سبحان الله !
المهم بعد اللي استجد سويت عمليه استئصال له وتأجلت عملية الترجيع واتجمدت الاجنة لمده شهرين تقريبا لحد ما يتشافى الرحم وعطتني حبوب اخذهم ثلاث مرات باليوم لحد موعد الترجيع وقبل الترجيع باربع ايام كتبت لي الدكتورة تحاميل مهبلية اسمه
progestan 200mg
واليوم كان الترجيع والحمدلله الأجنة ظلوا عايشين وايد كنت احاتي اللهم لك الحمد ... آسفه خواتي طولت عليكم بهذرتي لكن حبيت تشاركوني تجاربكم من فيكم حملت من الأجنة المجمدة وهل في فرق بين المجمدة والعاديه ؟!
يارب ياكريم ثبت أجنتنا وارزقنا الحمل السليم التام وقر أعيننا بشوفة ذرياتنا بأحضانا يارب العالمين 🤲