مين راحت اسبانيا ضرورى

والله حبيبتي نفسي اروح اسبانيا لرحت ان شاء الله اعلمك هههههههههه واللا انتي لرحتي نزلي تقرير عنها وخلينا نستفيد لانه نفسي اروح لها والله يسهل امري وامرك تروحي وترجعي بالسلامه

نفس الشعوربس ان شاالله بروح قريب

اسبانيا حلوة
انا رحت لها في شهر ابريل لمدة اسبوع من عام 2009 الجو حلو لاهو بارد ولا حار

رحنا مدريد جلسنا اول يوم الرحلة واخر يو م الرحلة

لان الحجز كان دوحة مدريد دوحة وبعدين حجزنا مدريد برشلونة مدريد

بقية الايام قضيناها في برشلونة
رووعة والله وعجبتني اكثر من مدريد

سكنا في فندق قريب البحر وغرفتنا مطلة عليه

Eurostars Grand Marina Hotel

وفيه باصات سياحة دورين تاخذين التذكرة من محل التذاكر اكشاك صغيرة موزعة هناك

والتذكرة صالحة ليومين يوديج المناطق السياحية ممكن تنزلين في اي منطقة تعجبج وتركبين الباص اللي بعده

وبما انه اللي عندي يحبون نادي برشلونة كانت لنا رحلة للنادي

ورحنا رحلة بحرية كانت رحلة ممتعة والجو مشمس لكن الجو رائع كلهم اجانب مافيه عرب الا احنا

شارع الرامبلا قريب من سكنا ويعتبر مثل شارع الشانز ليزيه في باريس

كل الاستعراضات تلاقينها فيه

مهرجين رسامين مطاعم محلات كل شي كل شي

وفيه فنادق في وسط شارع الرامبلا بس ما اخذناها عشان الازعاج وانا وحدة ما حب الازعاج

وكنا نمشي من فندقنا لشارع الرامبلا اذا حبينا نروح له عادي والمشي متعة بعد

وفيه مطعم في الجهة المقابلة للفندق مطل عالبحر اكلنا من عنده الاكلة الاسبانية الشهيرة بايلا


برشلونة حلوة
والعصر يصير الجو بارد
في كراسي عالبحر اتذكر جلسنا عليها وقمت بعدين ما قدرت من البرد
يعني اخذوا معكم جاكيت احتياط


الاسعار معقولة واحسن من اسعار سويسرا
بصراحة برشلونة تستحق الزيارة لكن مب في الصيف حالها حال باريس ولندن وجنيف


عاد هالايام مادري لان رحلتنا كانت قبل لا تمرض بنتي الله يشفيها يارب

اتمنى لكم رحلة موفقة

الله يهنيكم

ويكتبلنا ولكم رحله حلوه لاي مكان نتمناه

يارب يكتبها لك وتستمتعي