قلت لك في ردي كل الكلام اللي كتبته عباره عن معلومات من مصادرها المذكوره والشركات المصنعه نفسها ماجبتها من بنات افكاري ولا اختراعي
اما بخصوص الدكاتره اللي ذكرتي اسمائهم ما اعرف منهم غير العمار وسبق شفت له تغريدات يرد على احد الدكاتره المعارضين للقاح ومع احترامي له الردود اللي جاته كفت ووفت اما انا ما ابي اكل عدس ...
وبشكل عام بخصوص اللقاح والمعارضه والموافقه شي طبيعي ان الناس تنقسم وحتى القناعات تختلف مو شرط اللي يقنعك يقنع غيرك ولا العكـس عشان كذا نقول كلن حر بنفسه وبقراره وقوانين الدوله هي اللي تحكمنا كلنا
وحتى الدكاتره بمختلف تخصصاتهم وتوجهاتهم ورتباتهم وعلمهم طبيعي جداً يكون بينهم اختلاف ببعض القناعات حتى في مسألة اللقاح بدليل المضاربات اللي تفشل بتويتر بين بعض الدكاتره بمختلف الدول كلن يقول الحقيقه عندي وكلن له اتباعه وانصاره ومطبلينه
وانا قرأت كثير وشفت وجهات نظر مختلفه بالشرق والغرب لكن لكل مقام مقال ومو كل شي او كل معلومه او قناعه ينفع اني اشاركها هنا او بمواقع التواصل لاني ما ابي اكل عدس خليني مع المعلن الرسمي المؤكد فقط اشاركه واناقشه نقلاً عنهم
و الكلام عن الحقائق المعلنه المؤكده الرسميه لا يعتبر اشاعه غير مثبته مثل ماتفضلتي
ببساطه الرافض والموافق كلن له احترامه ومحد احسن من احد والله يستر علينا اجمعين
قلت لك في ردي كل الكلام اللي كتبته عباره عن معلومات من مصادرها المذكوره والشركات المصنعه نفسها...
اما بخصوص لقاحات الاطفال ترى نفس الشي في فئة على مستوى العالم ترفض لقاحات الاطفال المعروفه وفي دول تطعيم الاطفال عندهم غير اجباري والاهل يقررون اللي يناسب اطفالهم
وفي ناس مو بس ما تستخدم مضادات حيويه بل انهم ماياخذون الادويه بشكل عام
كلن له قناعاته محد يقدر يقول هذا صح قاطع وهذا غلط قاطع
الامر سعه وسهالات وكلن حر بقراره لنفسه ماراح يتضرر ولا ينتفع غير جسمه