مين ربنا استجاب دعائها بعد فترة من الدعاء

انا مره وحده تشكي ضعف راتب زوجها
لما كنت في عمره طلبت ادعي لها بالرزق الحلال هي وزوجها
طبعا وقتها نصحتها تستغفر هي وزوجها


بعد العمره بشهر او شهر ونص يعني ماطول كثير
الا زوجها متوظف وظيفه حلوه فرق بينها وبين وظيفته اللى قبل


اللى تمر وتقرأ كلامي تدعي لي ان ربي يستر عليى ويحفظني
ويردني له ردا جميلا ويكفيني شر خلقه ويحقق آماني
والله يوفق الجميع

انا صار لي موقفين سبحان الله الموقف الاول وانا حامل في طفلي الثاني وجاتني حصوة مراره وتعبت منها وقالت لي الدكتوره مانقدر نسوي لك شي الا بعد الولاده وكنت مااقدر لا اكل ولا شي الا اتعب او شي بسيطه ومره تعبت جدا وكنت بالشهر الثامن اتوقع وبعد التعب الشديد امشي في غرفتي وادعي الله ان يحمل عني ذا الوجع وسبحان ربي كريم راح الوجع ولا حسيت فيه وولدت وبعد سنه من الولاده سويت العمليه




الموقف الثاني
بالعمره نسيت شنطتي بالحمامات الله يكرمكم وفيها فلوس زوجي ومحفظته ومفتاح السياره ومن الخوف ارتفع القالون وكنت اعاني منه وصار مغص شديد وكنت امشي بين الصفاء والمروه واشرب ماء زمزم وادعي من قلب صادق ان يشفيني الله والحمدالله بفضل الله ليومنا هذا لم اعرف الوجع القصتين من 10 سنوات
اتذكر كنت مواضبه ع الذكر
سبحان الله والحمدالله ولااله الا الله والله اكبر طول الوقت ماينقطع من لساني

الحمدلله واما بنعمة ربك فحدث
انا دائماً تستجاب دعواتي وسبحان الله تصير احياناً تستجاب في لحظتها واحياناً بعد سنين ولكن علطول اتذكر دعوتي
ساعات ندعي واذا ما تم الموضوع في نفس اللحظة ننسى لكن الله سبحانة ما ينسي ويستجيب لك في وقت ثاني واكيد له حكمة
انا مره استفزتني وحدة تسلطت علي وتجبرت سلطة وغيرة بدون سبب
وكنت اقول هذي مستحيل انها تبعد عن طريقي كانت مديرتي بالدوام ولها يمكن عشر سنين بها المكان وانا ماكان لي الا سنة
الي صار انه جاء امر من فوق بفصلها وحصلت لها شوشرة وطردت شر طردة واقسم بالله اني كنت اقول لو تنطبق السماء على الارض مستحيل احد يقدر يفكنا منها لكن الله اقوى
والدعوة الثانية:
اني كنت ادعي ابي اتزوج شخص من عائلة vip وكان نسبة اني ارتبط بشخص بها المكانة 0%
ولكن ماعلى الله شي مستحيل وتزوجت من هالعائلة بدون فضل ولا منة احد وبدون حتى ما اسعى للموضوع ربي جابة لي انه على كل شي قدير
الدعوة الثالثة:
كان عندي وحدة عقد ما احسن لها وارحمها واصبر عليها بس تغلط علي وتتكلم فيني ودعيت عليها من قلبي ان اللله يوريني فيها يوم ونسيت الموضوع لاني فارقتها سبحان الله بعد سنتين هي الي جتني تتشكى لي وتستفزع فيني والله علطول جاء في قلبي دعوتي عليها واستغفرت قلت ياربي ان كانت هذي دعاويي فاغفر لي ولها
الدعوة الرابعه:
مرة رحت لجماعة من قرايبنا متقاطعين من سنين و انا رحت بس عشان الوصل ما ادور مصلحة ولا شي المهم وحدة من القاعدات ما عجبها الوضع انا نتصالح ونرجع مثل ما كنا فكانت بس تحاول تحسسني اني مثقلة عليهم وكانها تبيني امشي وتحاول قد ما تقدر انها تهمشني وتقاطعني اذا حكيت وتتافف يعني حركات بعض النفوس الخبيثة المهم انا سويت الي علي واخذتها من قاصرها ومشيت وقلت معليش انا تاركة بنتي مع الخادمة ولازم ارجع
المهم وانا بالسيارة اقعد ادعي عليها انها مثل ما سوت فيني يسوى فيها ولا قفلت السنة الا هي جاية تتشكى لي من نفس الجماعة عاملوها بنفس الطريقة الي عاملتني فيها


الدعاوى الي استجيبت من فضل ربي لا تعد ولا تحصى ولكن لما استرجعها اندم بجد اقول ليتني دعيت ذيك الساعه بدعوة لنفسي بدل ما ادعي عليهم انا وش استفيد اذا ربي عاقبهم صح بيبرد قلبي بس ما استفيد شي
والحين تعلمت درس اذا انظلمت او تسلط علي احد او سرقني بس ادعي لنفسي وصلاح ذريتي و هو حسابه على ربي
لا تستهينين بالدعاء ولا تستعجلين الاجابة ادعي وانسيها واتركيها لله مثل البذرة الي تحطينها بالارض تختلف احياناً تطلع على طول واحيانا بعد سنين بس مو كل خمس دقايق تحفرين تشوفين طلعت ولا لا
واعملي بالاسباب
سبحي خاصة وقت الضحى وقبل الغروب ونزلت فيها الاية( لعلك ترضي) .........استغفري ..................وسوي خير حتى لو تبتسمين في وجيه الخلق ........ وقومي الليل ..........وادخلي السرورو على قلب اي شخص محتاج ما تدرين اي من هاالاعمال يكون سبب في استجابة دعائك
والله يحقق لك امنياتك وامنيات الجميع

انا كمان الحمدلله احيان تستجيب دعواتي زي مثلا كانوا بيجون صديقاتي عندي البيت واتفقنا ع كل شي ونفسيتي تعبانه مالي خلق وصعبه اقولهم لاتجون فقلت لهم الله يحييكم وقبل ماحط راسي استغفرت ودعيت يارب مايجون بكره يارب ونمت ع ضوء طبعاا صحيت ع رساله صديقتي تقولي ماقدر اجي اليوم خليها يوم ثاني..

روعة متابعين لكم