ليش تذبحين عمرك عليه هو رايح يتونس وانتي انهيار عصبي وحياتك انقلبت فوق تحت… راح تكبرين كم سنه بسبب الهموم واح تجيك امراض السكر اولها القهر يجيب السكر بعيد الشر عنك ..وهو ماحلم فيك يعني لوطحتي عن حيلك ماحلم بك حتي لو ماتزوج طبيعة الرجال كذا من تمرض المراه يبدا يملها لو اني منك اروح اعدل بنفسي واشري ملابس واشكل به ماوقفت الدنيا عليه… واحمدي ربك. انك موظفه مانتي بحاجته بعضهم يذل المره حتي بالمصروف… ارتاحي وتعوذي من ابليس ولايحس انك بتموتين عشانه وقولي يارب لاتعلقني به ..ترا الرجال مايرحمون ولارجع سوي نفسك مو مهتمه قولي مايعني لي شي دمعة وطاحت من عيني ولااثر في قولي اهم ماعلي عيالي… وهو عامليه عادي عشان ماتخسرينه للابد دام منه اطفال ووتزوج لاعاندتيه بيقول لها راتب وش ابي بغثاها تاخذ بزرانها وتروح لاهلها واناارتاح ودايم. الموظفه مايرحمونها… وانتي عندك اطفال صعب تفترقون عيني خير وهو يبي يقول انا مااخطيت وهذا شرع الله دام. ماسويت شي يغضب ربي وش مزعلك تبين اروح للحرام… .تري كثير تزوجو وطلقو الاولي موعشان طاير بالثانيه لا لا لان الاولي تبدا تعصب وتهاوش وماهي طايقته… .خليك حبوبه وجيبيه باسلوب يمكن يرجع لك ويمكن الثانيه لاقارن ماتجيك مثلك بس لو قارن وانتي بتعاملينه بقسوه بيهملك. وتاكلين نفسك…. ودايم اقول لخواتي اللي معهن اطفال لازعلن. من ازواجهن اللي تدخل معركه مع زوجها وعندها منه اطفال خسرانه… خسرانه لان مالهم الا ابوهم. ومحد بيتحملهم لو تزوجتي بينظلمون.... ناره ولاجنة هلي… الله يفرج همك ويرده لك احسن من اول
ليش تذبحين عمرك عليه هو رايح يتونس وانتي انهيار عصبي وحياتك انقلبت فوق تحت… راح تكبرين كم سنه...
ثانيا / لا يهمك كلام الناس تدرين متى تنقهرين من كلامهم إذا شافوك تعبانه ومقهوره ترى والله الناس وقتها اللي بيتشمت والا اللي بشفق عليك وكلها بتزيد من نفسيتك بعكس إذا طلعتي عليهم وأنت بشكل جديد والابتسامة على وجهك وقلبك مرتاح أدري أن جرحك كبير لكن عزيمتك أكبر وكرامتك أعز ترى زواج زوجك مو اهانة ولو كان الزواج على الزوجة اهانة لها لما تزوج رسول الله صلى الله عليه وسلم على حبيبته عائشة رضي الله عنها تدرين متى بتحسين بالإهانة إذا طلعتي للناس وجهك شاحب وشكلك مش مرتب عشان زوجك تزوج خليهم يدرون أنك ماهمك وعادي إذا قالوا تزوج عليك قولي لهم والله يالحريم أنتوا ما همكم الا هالرجال لا يتزوج الرسول عليه الصلاة والسلام تزوج وهو يحب عائشة رضي الله عنها ولا سمعنا أن عائشة غضبت أو منعت زواجه دامني متأكدة من معزتي عنده ما همني أحد
ثالثا/ انتبهي إذا جاء زوجك يشوف انكسارك وقهرك عليه ترى هذا هو اللي يفرح الرجال لا بيني له العكس أنك سعيدة خليه هو اللي يخاف يقول هي تحبني والا لا خليه يشك في معزته عندك لكن مو تكشرين في وجهه خليك عاديه تزيني وتضبطي واهتمي بنظافة وترتيب بيتك وخلي البخور يفوح فيه وحسسيه إن هذا الشيء مو له لا إن هذا الشيء عشان تسعدين نفسك إنك انت تحبين بيتك يكون نظيف لنفسك ولعيالك والله بتكبرين بعينه ويقول والله هالمرة قوية ترى في البداية بتلاقينه مهتم فيها وكذا تراه كله كم يوم ويمل لا تهتمين باهتمامه فيها ترى هي البداية كذا اهتمام زايد بعدها بتبدأ مشاكلهم فريحي بالك
رابعا/ انزلي السوق واشتري لنفسك كانك عروس لبس النوم والبيت وعطورات وبخور اشتري فواحات للبيت اشتري شموع وشوفي مو بس في غرفتك لا للبيت كله عشان ما يقول ايه هذا شاريته عشاني اذا شاف انه في البيت كله بيدري أنه اهتمامك في بيتك مو عشان سواد عيونه
خامسا/ عيالك خليهم يستقبلونه بشوق وفرحة لا تكرهينهم في ابوهم ترى اذا حس بيقلب عليك بيقول تبغى تكره عيالي فيني وبيقهرك زيادة
سادسا/ غيري شكلك روحي مشغل اهتمي والله أنه بيغير في نفسيتك كثير صلحي اقنعة لا تسلمين زوجك لزوجته الجديدة ترى هي منى عينها أنك تخلينه لها هي اللي بتنبسط
سابعا/ الصبر والدعاء لنفسك انتبهي تدعين عليهم ترى الدعوة ترجع عليك لا اذا ظلموك وقت الظلم تحسبي ودعي لنفسك واصبري واصبري
ولا تسكتين عن حقك يعدل غصب عنه ترى سكوتك يعتبره ضعف لكن لاتقولين هي وهي لا قول أنت رجل ماتزوجت الا أنك عارف بأنك قادر على العدل يعني عاتبيه هو ولا تجيبين طاريها وترى الرجل المعدد إذا مدحتيه في عدله تراه يجي على مدحك الرجال يموتون في المدح لكن امدحي كرمه عدله صدقه
شوفي كل هذي النقاط ما قلتها من عبث أمي توه أبوي متزوج عليها وحدها توها صغيره عمرها 20 لكن الحمدلله وقفت بجنبها وبديت اوصيها واقولها وربي لك الحمد صح أول اسبوعين وأمي في هم لكن بعدها أبوي رجع لها وتحسن في معاملته وصار يحسب لأمي ألف حساب مع أن أمي ما تغلط ولا تتكلم في زوجته والحمدلله عطاها على قد نيتها
فيا أختي اقولك الرجل يرجع لزوجته وأحسن من أول لكن بالحكمة اسأل الله أن يعينك ولا يشمت بك أحد وشوفي يا أختي زواج الرجال وتعددهم صار موضة هالايام ولا تخسرين راحة بالك عشان أحد أهم معليك سعادتك وراحة بالك