للرفع

الله يسهل اموركم ويوفقكم

هلا اختي زوجي كان يشتغل في قطاع خاص...وترك شغله وسافر للدراسه...درس اللغه وبدايه
الماجستير على حسابه وبعدين طلب بعثه وجته ولله الحمد لما شافوا معدله ممتاز...ان شاء
الله اكون افتدك...

السلام عليكم أخواتي


مشكورة أم تالين على فتح هالموضوع،،
سبقتيني ..
سبحان الله البارح كتبت نفس الموضوع بس تراجعت وما أرسلته ..


أولا مبروك وعقبال مايتجاوز زوجك اختبار الوزارة ..

والله يكتب لنا ولكم مافيه الخير ..

زوجي تخصصه رياضيات ، ، بإذن الله السنة الجاية بنلحقكم..

بالنسبة للدول قبل سنتين تقريبا كنا بنقدم وكانت الدول

بريطانيا وألمانيا وجيبوتي والمغرب

واخترنا المغرب وكانت المفاجأة أن موعد التقديم فات ..:09:



انصحك إنت وزوجك تدخلون في موقع الوزارة في منتدى المعلمين الموفدين ، راح تستفيدون كثييييييير وراح تحصلون معلومات عن الدول بس الأغلب زوجك

بيستفيد أكثر ..

هالحين بعد اختبار الوزارة يخلونكم تختارون مرة ثانية وعلى فكرة ، أحيانا الوزارة هي تحدد الدولة وبالذات بعد أن يتم الترشيح نهائيا



المغرب ما مدحوها من ناحية الأطفال وأماكنهم المخصصة

التعليم في أغلب الدول منفصل البنات وحدهم والأولاد لوحدهم وبعضهم مختلط ..

الحلو أنكم ممكن تحصلوا سكن مع السفارة .. وتوفرون فلوس الأجار

وللمعلومية الراتب ما يعطونه دبل في الدول القريبة

بنسب ، كل ما كانت الدولة أبعد زادت نسبة الزيادة

هذه المعلومة أعرفها من قبل كم سنة وما أدري إذا كان باقي النظام كذا أو غيروه << يعني لاتوثقين فيني :)

طبعا أهم شي الإستخارة والدعاء بأن الله يكتب لكم اللي فيه الخير ..

ونصيحة خلي زوجك يثقف نفسه هالفترة ويعرف معلمومات الدول الجغرافية والسياسية وسفراء المملكة هناك ..


ولا تخافين من الغربة خصوصا إنك في بلد اسلامي وعربي ..

وعشان أبو العيال:arb: يهون كل شي وإلا وش رأيك ؟؟

بس ياليت تقولين وش الدول اللي خيروا معلمين الرياضيات هالسنة ؟؟

لأني اللي أعرفه أنهم يخيرونهم بأربع دول ..

وإن شاء الله تبشرينا قريب .. وأتمنى يبقى هالموضوع حلقة للتواصل
بين العضوات اللي مع أزواجهم الموفدين أو ناويين على الإيفاد

والمعذرة على الإطالة ، غثيتك هذا وإحنا ناوين على التقديم
أجل إذا تم قبولنا وش بأسوي فيك ؟؟ الله يعنيك

بس خليك قريب

عسل سدر

إذا كان زوجك معلم على وزارة التربية والتعليم ..
فعنده الفرصة .. بإذن الله
خليه يتابع السنوات الجاية ويكتب في منتدى المعلمين الموفدين هناك مسؤول من الوزارة وهو مشرف ايضا على المنتدى ..

تفضلي هذا موقع الإدارة العامة للمدارس السعودية في الخارج

خلي زوجك يقرأ فيه ويعرف فين موقع المدارس السعودية بكل دولة أو على الأقل اللي اختارها


http://http://www.gdssa.gov.sa/