زوجي ها الايام مدمن sponge bob الي يجي على nicklodeon .. بدا يشوفه مع ولدي ، و بعدين صار هو الي يتابعه .. آخر شي سواه انه اشترى مجموعه كامله منه ، و كل ما يكون عنده وقت فراغ يقعد يطالعه
بالنسبه لألعاب الفيديو كان يلعبها قبل الزواج .. بعد ما تزوجنا ما كان يلعب ، لأن اصلا ما عدنا في بيتنا .. بس و انا حامل في ولدي جاب شريط و قعد يلعببه على الكمبيوتر .. انا ما احب ها الالعاب و لا ابغي اعلم عيالي عليها .. قتله شوف انا ما احب ها الاشياء و ما ابغي عيالي يتعلمون عليها ، عندك فرصه يلين ما اولد تلعب و بعدين انسى .. و الحمد لله اقتنع .. مع انه بين فتره و فتره يقول بشتري بس لما اذكره بالعيال يتراجع .. بس لما نروح بيت اهله و يشوف اخوانه يلعبون يلعب معاهم ، و بعد اقوله تحمل الولد يشوفك .. بصراحه ما فينا على ادمان ها الالعاب

مافيها شي حبيبتي ..... بالعكس أنا أحس أن لازم يكون في وقت لللعب ولا تكون الحياة كلها جد
ساعة وساعة .............
سسسسسسسسسسسلام ياعسل

ياحبي لل PS2 قصدي البلايستيشن تو
و ياحبي للGAME CUBE القيم كيوب جهاز ينافس البلايستيشن تو
مرات اخذه من عيالي واشوتهم واطردهم والعب بدالهم
وزوجي يلعب معي بس سبيس تون وععع مخيسه
اربع وعشرين ساعه تعيد برامجها

طلعت مو بس انا في هالحال
خخخخخخخخخخخخخخخخ
حتى حلالي مدمن بلايستيشن ولعبة على الكمبيوتر مااطيقها مليت منها له يمكن من بداية خطوبتنا عليها للحين الظاهر اسمها ديمو اذا موغلطانه
ومدمن سبيس تون وكل مسلسل كرتوني ينزل باي محطه جديد واحيانا يشاهده قبل لايترجموه عربي واذا نزل وترجموه تعالي شوفيه يتابع بس عشان يشوف وش قطعو منه خخخخخخخخخخخ فديته والله
يعني حياته بصراحه شغل+بلايستيشن+سبيس تون
الله يستر من الايام الجايه

انا زوجي مدمن هايدي يحبها بطريقة ما تتخيلوها
اول مرة يستانس ويتذكرني لما ارسل له ايميل كان ايميل فيه صور لهايدي <-----بديت اغار منها
ويلعب بلايستيشن مع اخواني لما نروح عند اهلي لحد ما امي تعصب
ويحب يتفرج توم اند جيري اتذكر ذاك اليوم كارتون نتوورك سووا يوم كامل 24 ساعة كارتون بمناسبة السنة الجديدة
والله زوجي ما طلع من البيت يومها تمنيت الكارتون كل يوم










اما عن نفسي انا فطول اليوم بمحلات الالعاب اشتري العاب لنفسي وبيت باربي اسلي نفسي فيه
واكثر شي احب اتفرجه واغني وارقص معاه هو Barney ياحبي له :)