مين زيي عندها جفاف وتجاعيد حول الفم؟

اممم مافهمت المشكلة ! هل تعانين من جفاف البشرة الشديد أم ظهور التجاعيد ؟
معليه فهمي بطىء شوي :(

المهم اذا عن تجاعيد البشرة , قناع الموز ممتاز
تهرسين الموز مع 3 ملاعق حليب سائل , واتحطين العجينة على وجهج أو ممكن فقط على الأماكن اللي تتواجد فيها التجاعيد لمدة 15 دقيقة

أما اذا المشكلة في الجفاف
ادهني وجهج بزيت اللوز أو زيت الزيتون يوميا
أو شفتي زيت جونسون للأطفال المكون من زيت اللوز والصويا ؟ هذا روعه لجفاف البشرة يرطبها ويرجعها لطبيعتها في 4 أيام

ثم اذا انتي مرتاحه من منتجات " نيفيا " جربي قناع اسمه
gentle purifying mask , يحتوي على فيتامين e ويرطب البشرة , أنا أحطه على وجهي قبل وضع المكياج , أخليه 5 دقايق بعدين أغسل وجهي واستخدم كريم " نيفيا للترطيب " والنتيجة حلوة

سلام :)

يا عمري أحس المنطقة مرة ناشفة (بس بدون قشور)
ياريت تفهموني
وطبعا مع الجفاف لازم تظهر تجاعيد خفيفة
أنا ألاحظ أمي عندها هالمنطقة هي اللي فيها تجاعيد بس وأخاف أهمل نفسي وأصير مثلها رغم إنها جدا مهتمة وما تعطينها عمر أكبر من 40 بالقوة
أما أنا فعمري 25 وبدأت المنطقة تجف بقووووووووووووووووة
تعتقدون من التنظيف بالحلاوة؟
أنا أشيل كل أسبوعين بانتظام منطقة الشنب وأطراف الفم بالحلاوة
ممكن يكون منه؟
شوفولي حل الله يخليكم

حبيبتي نفس ماقلت لج , ادهني وجهج يوميا بزيت اللوز أو زيت زيتون يخفف الجفاف بدرجة كبيرة ..
والأفضل تروحين لأخصائية جلد , تعطيج كريم متخصص لحالات الجفاف الشديدة

I luv sweets
ألف شكر على تعاونك ياقلبي وإن شاء الله أسوي مثل ما قلتيلي وأشوف النتيجة

شوفي حبيبتي ..........انا مثلك كنت اعاني من الجفاف حولين الفم والقشور في الوجنتين

لكن وحده من الاخوات جزاها الله الف خير وصفت لي غسول نيتروجينا الغير معطر

وكريم بيبانثين تلاقينهم بالصيدليه .......والحمدالله صارت بشرتي احسن .......ولما احط

الميكب احس اني استانس من بشرتي ......... وارجواني عطيتك الجواب الكافي