اخوات كم تقدرون التكلفه ل3 اشخاص تقريبا لمده اسبوع

بالتذاكر والسكن والتنقلات والذي منه

اقل شي 17000ريال الى مالانهاية

تبين اقل انا أدلك شلون

والاسواق ؟؟؟

انا الهتان

سبعه عشر الف في اسبوع واحد مدري استكثرته

ترى انا وزوجي وبنتي 4 سنوات

دليني وشلون اقل الله يجزاك خير

اقلها نروح 10 ايام

داخل فيها التذاكر

اقل شي اذا حجزتي مبكر 2700ريال يعني 5400للشخصين بدون الطفلة تقريبا 1900ريال

يعني 7300 بدون السكن انا حطيت لك سعر فندق 3 نجوم بـ350ريال = 2450 تقريبا

يعني9750ريال

قولي 10000

7000ريال يعني 1000ريال مصروف يومي من (تنقلات - أكل وشرب- تذاكر دخول للأماكن السياحية....الخ)

هذي الألف باليوم يالله تصرف لك 200يورو

اذا تبين 100يورو باليوم (لاتاكلين بالمطاعم السياحية كلي بمطاعم شعبية او فاست فود)

لا تركبين التاكسي أبدا (اركبي المترو وتعرفي على الخريطة زيييييين)

لاتشربين بكوفيهات الشانز أقل فاتورة بتجيك على كابتشينو وشيز كيك وموية 70 يورو = 350ريال

بالذات لا فوكيت مرررة غالي والمنيو يتغير بالصيف لزوم السياح السعوديين اللي بيدفعون

خذي معك معلبات من هنا انا شفت ناس كثير تسويها مو عشان التوفير بس الا عشان الأطفال بعد وحرصهم من الكحول ولحم الخنزير

يمكن يصير باليوم 120 يورو مع تقليص النفقات

يعني600ريال باليوم

= 4500ريال

بس انتبهي قلة الفلوس باوروبا مخاطرة كبيرة (خلي معك الماستر كارد)ولاتصرفين منه بس للإحتياط