قهوة الروقان :

وعليكم السلام ورحمة الله ماعليك شر يارب ربي يعافيك صح التنويم يوم واحد بس وتطلعي اليوم الثاني الاعراض بعد العمليه بسيطه ان شاء الله بس انتي ساعدي نفسك بالمشي افضل شي المشي يساااااعد بقوه في شفاء الجرح والالم الالم يحتمل باذن الله من اليوم الثاني يخف تدريجياً الدرج كمان شوي شوي تطلعيه بس مافي مثل المشي سبحان الله يساعدك ومن رأيي لاتأخذي سرير وتنامي وكذا لاااا نامي وقت نومك العادي والسرير بغرفة النوم لان لو كان فيه سرير اكيد بتكوني نايمه طول وقت وما بتتحركي فالافضل مثل ماقلت لك المشي واجلسي ارتاحي عالكنب الاكل بعد العمليه اول اسبوعين امتنعي عن الدهون والاكلات المقليه خلي اكلك خضار شوربات سلطات وبعد الاسبوعين الاكل عااااادي زي قبل العمليه حكاية انك تسمني بعد العمليه ما ادري والله عادي انا ماسمنت يمكن حالات عن حالات تختلف ... لاتقلقي الحصوات عادي بنت اختي عمرها ١٢ ومو سمينه وفيها حصوات بالمراره وشالتها ماله دخل العمر بوجود حصوات وولد اخت زوجي عمره ١٧ وشالها يعني عادي الحاله الجروح تقريبا ثلاث فتحات واللي مكان المعده فتحه صغيره يطلعون منها المراره هي بتألمك مكانها لان بيسوونها تجميليه كبس وفيها الحديد زي الدبابيس مع الحركه بتألمك خفيف لان الالم مو من العمليه من الدبابيس فقط واسبوع وتشيلينها وخلاص يخف الالم مررررره باذن الله وماتشوفي شر يارب

وعليكم السلام ورحمة الله ماعليك شر يارب ربي يعافيك صح التنويم يوم واحد بس وتطلعي اليوم الثاني...

ام خــــــالد :

هلا حبيبتي انا سويتها من شهر وشوي تقريباً وراح اكتب لك تجربتي من الاول للاخر ياعمري لاتخافين كنت زيك الحين مره خايفه لدرجه كنت اقول يارب لايتيتمون عيالي💔 بس الحمدلله طلعت بسيطه مره كان موعد عمليتي ٦الصباح قال لي الدكتور من الساعه١٢الليل ماتاكلي ولا تشربي ابد والصباح اتسبح وانضف جسمي كويس وافرش أسناني بس والله رحت ويدي ع قلبي انا عمري٢٣ اول ماتجين راح يستقبلوك عادي ممرضات ويدخلوك ع غرفه تنويم عاديه ويقيسو الضغط ويوزنوك وكذا بعده راح يعطوك إبر حساسيه في يدك وتراها تحرق شوي بس لازم عشان يتأكدوا ان الادويه والبنج ماتسبب لك ضرر اول مايجي وقتك راح يدخلون عليك الممرضات ينزلو كل شيء بشعرك يعني مايكون بشعرك ربطه ولا شي وتلبسي بس لبس العمليه ويغطو شعرك وياخذوك في سرير لغرفه العمليات بغرفه العمليات رح ينقلوك ع كرسي ثاني ويعطوك أبره البنج (انا كنت بنج كامل) وخلاص بعدها تنامي وماتحسي بشي ابد بعد مايخلسو يودوك غرفه الافاقه اول ماتبدي تصحي راح يطلعوك من غرفه العمليات طبعاً اللي بيكون معك زوجك او اي احد بيكون ينتضرك عند الباب ويصيه ينتبه لك لاتتكشف ملابسك او تطيحين--طبعاً ماراح يصير كذا انشاء الله بس من باب الحرص وياخذوك ع غرفتك --غرفه التنويم اللي دخّلوك فيها اول مره راح تحسي بالم مكان استأصال المراره حار شوي بس تحمليه مو قوي مره وممنوع تشربي مويه او تأكلي الين يقولون لك وراح تحسي انك بتستفرغي بس يعطوك أبره ماتخليك تستفرغي انا أعطوني أبره عشان ما استفرغ لان العمليات توّها وجديده يخافوا تنفتح بعد ماتصحصحي شوي راح يعطوك مسكّن ويسمحو لك بالماء والعصير بس ويتأكدوا انك تبولتي راح يسألونك وراح تستمرين ع المغذي لما يسمحو لك بالأكل راح يضلو يسئلوك اخرجتي او طلع هواء أعزك الله بس ذا ضروري انا ماقدرت وأعطوني تحميله وبعدها بربع ساعه اخرجت مدري ليه هالشيء عندهم مهم مره انا اقول لك كل شيء لاني كنت أتمنى احد يفيدني بشيء قبل عمليتي عشان كذا حاسه فيك وترى تقدري تقومي للحمام بمساعده وتمشي الحمدلله انا قدرت أقوم العصر امشي ب الممر واليوم الثاني من العمليه يطلعوك اذا كانت امورك كلها تمام بالنسبة للاكل يكون بدون زيت وبدون فلفل يعني كنت اكل رز مسلوق مع شووووووي ملح وسلطات تبعدي عن الجبن والحليب وغيره انا بس كنت اخذ زبادي خالي الدسم الوردي عادي تشربي شاي وينسون وكمان قللي السكر واللحم الأحمر لا لا الدجاج لازم صدر وشرط يكون بدون جلد راح تستمري كذا أسبوعين ويعدها تبدي شوي شوي لاكلك بس لاتاكلي مقالي وكذا لانها فعلا تسمن وضيفه المراره هضم الدهون ولان المراره ماتكون موجوده ما راح تنهضم الدهون وراح يمتصها الجسم كلها فانتي انتبهي من الدهون انا وزني ٦٩لحد الان ما لاحضت شيء والعمليات راح تكون ٤فتحات صغار تحت صدرك ---اربع غرز تحت السره---اربع غرز في جنبك اليمن فتحتين صغااااار كل وحده فيها غرزه بس انا سويت عمليتي بمستشفى الروضه بالدمام تعبت بالكتابه💔 طمنيني عليك راح ادعي لك ياقلبي لاتخافي تذكرت بعد اسبوع راح تحركي عادي

هلا حبيبتي انا سويتها من شهر وشوي تقريباً وراح اكتب لك تجربتي من الاول للاخر ياعمري لاتخافين كنت...