نفسي اسويها وارتاح من العدسات

بس مالها اضرار يعنى ماتسبب العمى بعد 10 -20 سنه
وليه الاطباء دايما لابسين نظارات وماسوووليزك لعيونهم

السلام عليكم ورحمة الله وبركاته لأحلى اخواااات
ما فيه داااااعي للخووووف حبيباتي
انا صار لي مسوية ليزك من شهر واسبوعين بس..
سويت العملية في مستشفى خاص ببانكوك والله معاملتهم طيبة
وشغلهم مررررة عدل وما كلفت كثيييير كلفتني تقريبا
5000 درهم وشوي.. بس والله رخيصة بالمقارنه مع بلادنا
والفحوصات كلفتني 120 درهم بسسسس تصدقوووو؟؟

كنت احط عدسات بس لما سافرت كنت اسبوع ما احطهم
بعيني عشان الفحوصات تكون ميه ميه(فاي اخت تحط عدسات لازم تمتنع عنهم
لمدة 5-7 ايام )

بصراحه فحوصااتهم دقيقه جدا صحيح بهدله داشة غرفة وطالعه لغرفة
وميت مرة يقطرون بعيني بس كللللله يهون.

اما كيف كانت العملية استحملوني في الشرح لاني ما نسيتها بعدني
اتذكر كل شي..

يوم العمليه لاااازم ماااا تحطون ميك اب ولا ماسكرا
ولا كحااال وما تتعطرون لان الكحول ياثر على الاشعة..

ويحطونج تغسلين ايدك ويهج بصابون معقم وتلبسين البالطو
وطاقيه فوق الراس طبعا تشيلين الشيلة.. الحمدلله انه دكتورة
كانت تسويلي العملية..

نمت عالسرير وهم غسلوا عيني بمحلول معقم ..
فيه قطعه على اطرافها لاصق لصقوا بيها جفوني
عشان ما ترمش بس عادي ما يعور وغطوا عيني الثانية
حتى الاشياء الثانيه ما تعور ولا تألم
بس بعد فترة من العملية تحسين بالضغط عالعين بس ما فيه الم

وخلوني اطالع فوق كان فيه شاشه فيها لونين
احمر واخضر واثناء العمليه لازم تطالعين اللون الاحمر
ولما يوجهون اشعه الليزر للعين راح تشمين
ريحة شي يحترق وهم هذاااااا شي عااااااادي..
ومن يخلصون يروحوا للعين الثانية ونفس الشي بعد
تقريبا تاخذ العملية للعين الوحدة 5-7 دقايق

بعد العملية يغطون عينج بقطة بلاستيك وذاك اليوم
ما بطيقين روحج لانه عيونج
راح تدمع واايد وتحرقج بس مو تألم وااايد

واكيد فيه مراجعه خلال اسبوع العمليه
لازم ماتغسلين ويهج بالماي لاسبوع
لان العين راح تكون طريه واكيد بياثر عليها الماي
ولا تسوين مكياج ولا صابون او اي مواد كيميائية لمدة اسبوعين

وما تعركينها هذااا واااايد مهم..
انا عطوني بلاستيك غطيت بيه عيوني لمده اسبوع لما انام بس
عشان ما اعركها انا ونايمة ولاااااازم تلبسين نظارات شمسية لمده
شهر عااااالاقل وانا راح البسها على طووول للان اشعة الشمس قويه
وخطرة حتى عالعين الصاحية..
شوو بعد ياااربي ؟؟..... ااييييه تذكرت
الدكتور راح يعطيج قطرات اصطناعية لانه راح تحسين بالجفاف
في عيونج خصوصا لما تقومي من النوم
وحاولي انج تقطريلها كل شوي
ونظرج راح يستقر من شهر لثلاثة
طبعا للاحسن ... ويوم العملية عطوني حبوب منوم
من اكلتة نمت نووووومه حلوووة مادريت بشي وما حسيت بالم
واليوم الثاني رحت للمراحعه والحمدلله الدكتورة طمنتني..
لاتطلعين او تشتغلين في الحر كوني كثر ما تقدري في مكان بارد
بالنسبة للكمبيوتر والتلفزيون انا سويت شي عجيييب
(لا تضحكووون علي) لان الاشعه مالتهم تعور عيني
قمت البس نظارة شمسية واحس اني بخير اول اسبوعين بس وموب دايما


بصراحه كلللله يهووون مدام انج راح تشوفييين وتتخلصين من النظارة والعدسات
ولا تخافي من انة يرجع نظرج ضعيف وان تصابي بالعمى لا قدر الله
انا اعرف وحده صار لها اكثر من عشر سنوات والحمدلله بخير وزي الفل
واحتمال تشوفون اكثر من الشخص الطبيعي بعد بدرجه وهذي ميزة الليزك

حبيباتي اذا بغيتوا شي انا في الخدمة والله يسهلها عليكم وانتبهوااااا لعيونكم
زييييين ما فيه شي اغلى من نظر العين

ايييييه نسيت اقول انه
الناس الكبيرة بالسن احتمال
ما تصير لهم العملية
لان عضلة العين تكون ضعيفه
عشان كذا الفحوصات مهمة قبل العملية و
عشان كذا
نشوف الدكاترة لابسين نظارات

تسلمين اختي *cute girl*

ويزاج الله كل خير على الشرح الوافي

والله يسهل لج كل امورج يارب

ادعولي الله يسهل علي عمليتي قرب موعدها

أتوكلي على الله وسويها واتبعي تعليمات الدكتور